Skip to content
Robert Burns Home Search

← Back to the work and its versions

How lang and dreary is the night

Cunningham (1855)

How lang and dreary is the night,
  When I am frae my dearie;
I restless lie frae e’en to morn,
  Though I were ne’er sae weary.
    For oh! her lanely nights are lang;
      And oh! her dreams are eerie;
    And oh, her widow’d heart is sair,
      That’s absent frae her dearie.

When I think on the lightsome days
  I spent wi’ thee my dearie;
And now what seas between us roar—
  How can I be but eerie?

How slow ye move, ye heavy hours;
  The joyless day how dreary!
It was na sae ye glinted by,
  When I was wi’ my dearie.
    For oh! her lanely nights are lang;
      And oh, her dreams are eerie;
    And oh, her widow’d heart is sair,
      That’s absent frae her dearie.

Digital text from Project Gutenberg.

View the source edition · p. 294

Project Gutenberg ebook licence notice