How lang and dreary is the night Cunningham · 1855 · How lang and dreary is the night How lang and dreary is the night, When I am frae my dearie; I restless lie frae e’en to morn, Though I were ne’er sae weary. For oh! her lanely nights are lang; And oh! her dreams are eerie; And oh, her widow’d heart is sair, That’s absent frae her dearie. When I think on the lightsome days I spent wi’ thee my dearie; And now what seas between us roar— How can I be but eerie? How slow ye move, ye heavy hours; The joyless day how dreary! It was na sae ye glinted by, When I was wi’ my dearie. For oh! her lanely nights are lang; And oh, her dreams are eerie; And oh, her widow’d heart is sair, That’s absent frae her dearie. printed 294; HTML #CCXXVIII https://www.gutenberg.org/files/18500/18500-h/18500-h.htm