Skip to content
Robert Burns Home Search

← Back to the work and its versions

I gaed a waefu' gate yestreen

Cunningham (1855)

I gaed a waefu’ gate yestreen,
  A gate, I fear, I’ll dearlie rue;
I gat my death frae twa sweet een,
  Twa lovely een o’ bonnie blue.
’Twas not her golden ringlets bright;
  Her lips, like roses, wat wi’ dew,
Her heaving bosom, lily-white—
  It was her een sae bonnie blue.

She talk’d, she smil’d, my heart she wyl’d;
  She charm’d my soul—I wist na how:
And ay the stound, the deadly wound,
  Cam frae her een sae bonnie blue.
But spare to speak, and spare to speed;
  She’ll aiblins listen to my vow:
Should she refuse, I’ll lay my dead
  To her twa een sae bonnie blue.

Digital text from Project Gutenberg.

View the source edition · p. 242

About this edition

Cunningham’s preface discusses several poems he left out of the collection.

Project Gutenberg ebook licence notice