Skip to content
Robert Burns Home Search

← Back to the work and its versions

O’er the moor amang the heather

Dick (1903) · no. 356

O'er the moor amang the heather.

Comin thro' the craigs o' Kyle,
Amang the bonie blooming heather,
There I met a bonie lassie,
Keeping a' her yowes thegither.

CHORUS

O'er the moor amang the heather;
O'er the moor amang the heather;
There I met a bonie lassie
Keeping a' her yowes thegither.

Says I, 'My dear whare is thy hame,
In moor, or dale, pray tell me whether?'
She says, 'I tent thae fleecy flocks
That feed amang the blooming heather.'

CHORUS

O'er the moor amang the heather,
O'er the moor amang the heather;
She says, 'I tent thae fleecy flocks,
That feed amang the blooming heather.'

We laid us down upon a bank,
Sae warm and sunny was the weather;
She left her flocks at large to rove
Amang the bonie blooming heather.

CHORUS

O'er the moor amang the heather,
O'er the moor amang the heather;
She left her flocks at large to rove
Amang the bonie blooming heather.

While thus we lay, she sang a sang,
Till echo ran a mile and farther;
And ay the burden o' the sang
Was, O'er the moor amang the heather.

CHORUS

O'er the moor amang the heather,
O'er the moor amang the heather;
And ay the burden o' the sang
Was, O'er the moor amang the heather.

She charm'd my heart, and ay sinsyne,
I could na think on ony ither:
By sea and sky she shall be mine!
The bonie lass amang the heather.

CHORUS

O'er the moor amang the heather,
O'er the moor amang the heather;
By sea and sky she shall be mine!
The bonie lass amang the heather.

View the source edition · O'er the moor amang the heather.

View historical scores

Dick’s Songs of Robert Burns (1903)

O'er the moor amang the heather.

Full printed page 344 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 344.National Library of Scotland.

View source · Download citation

Download score page (.jpg)