← Back to the work and its versions
Tho' women's minds like winter winds
Dick (1903) · no. 68
Tho' women's minds like winter winds May shift, and turn, an' a' that, The noblest breast adores them maist— A consequence, I draw that.
CHORUS
For a' that, an' a' that, And twice as muckle's a' that, The bonie lass that I loe best, She'll be my ain for a' that! Great love I bear to a' the fair, Their humble slave, an' a' that; But lordly will, I hold it still A mortal sin to thraw that. But there is ane aboon the lave Has wit, and sense, an' a' that; A bonie lass, I like her best, And wha a crime dare ca' that? In rapture sweet this hour we meet, Wi' mutual love an' a' that, But for how lang the flie may stang, Let inclination law that. Their tricks an' craft hae put me daft, They've taen me in an' a' that, But clear your decks, and here's—'The sex'! I like the jads for a' that!
View the source edition · Dick1903 no. 68; p. 69
About this edition
Syllables separated by the musical notation are joined into words in this reading.