← Back to the work and its versions
O Saw Ye Bonie Lesley?
Dick (1903) · no. 44
O, saw ye bonie Lesley, As she gaed o'er the Border? She's gane, like Alexander, To spread her conquests farther! To see her is to love her, And love but her for ever; For Nature made her what she is, And never made anither! That art a queen, fair Lesley— Thy subjects, we before thee: Thou art divine, fair Lesley— The hearts o' men adore thee. The deil he couldna skaith thee, Or aught that wad belang thee; He'd look into thy bonie face, And say:—'I canna wrang thee!' The Powers aboon will tent thee, Misfortune sha' na steer thee: Thou'rt like themsel', sae lovely, That ill they'll ne'er let near thee. Return again, fair Lesley, Return to Caledonie! That we may brag we hae a lass There's nane again sae bonie.
These are the words printed below the score.
View the source edition · no. 44; pp. 44–45
About this edition
Dick groups the lyric into three eight-line stanzas; Cunningham prints six quatrains. Dick’s “That art a queen” differs from Cunningham’s “Thou art a queen”; Dick has “skaith”, Cunningham “scaith”. The older My bonie Lizzy Baillie fragment in Dick’s note is a separate dependent predecessor, not this complete song.
View historical scores
Dick’s Songs of Robert Burns (1903)
no. 44; pp. 44–45
