Skip to content
Robert Burns Home Search

← Back to the work and its versions

Sae Flaxen Were Her Ringlets

Cunningham (1855)

Sae flaxen were her ringlets,
  Her eyebrows of a darker hue,
Bewitchingly o’er-arching
  Twa laughin’ een o’ bonnie blue.
Her smiling sae wyling,
  Wad make a wretch forget his woe;
What pleasure, what treasure,
  Unto these rosy lips to grow:
Such was my Chloris’ bonnie face,
  When first her bonnie face I saw;
And ay my Chloris’ dearest charm,
  She says she lo’es me best of a’.

Like harmony her motion;
  Her pretty ankle is a spy,
Betraying fair proportion,
  Wad mak a saint forget the sky.
Sae warming, sae charming,
  Her faultless form and gracefu’ air;
Ilk feature—auld Nature
  Declar’d that she could do nae mair:
Hers are the willing chains o’ love,
  By conquering beauty’s sovereign law;
And ay my Chloris’ dearest charm,
  She says she lo’es me best of a’.

Let others love the city,
  And gaudy show at sunny noon;
Gie me the lonely valley,
  The dewy eve, and rising moon;
Fair beaming, and streaming,
  Her silver light the boughs amang;
While falling, recalling,
  The amorous thrush concludes his sang;
There, dearest Chloris, wilt thou rove
  By wimpling burn and leafy shaw,
And hear my vows o’ truth and love,
  And say thou lo’es me best of a’?

Digital text from Project Gutenberg.

View the source edition · p. 293

About this edition

Cunningham’s preface discusses several poems he left out of the collection.

Project Gutenberg ebook licence notice