← Back to the work and its versions
Logan Water
Cunningham (1855)
O Logan, sweetly didst thou glide, That day I was my Willie’s bride! And years synsyne hae o’er us run Like Logan to the simmer sun. But now thy flow’ry banks appear Like drumlie winter, dark and drear, While my dear lad maun face his faes, Far, far frae me and Logan braes! Again the merry month o’ May Has made our hills and valleys gay; The birds rejoice in leafy bowers, The bees hum round the breathing flowers; Blythe Morning lifts his rosy eye, And Evening’s tears are tears of joy: My soul, delightless, a’ surveys, While Willie’s far frae Logan braes. Within yon milk-white hawthorn bush, Amang her nestlings sits the thrush; Her faithfu’ mate will share her toil, Or wi’ his song her cares beguile: But I, wi’ my sweet nurslings here, Nae mate to help, nae mate to cheer, Pass widow’d nights and joyless days, While Willie’s far frae Logan braes. O wae upon you, men o’ state, That brethren rouse to deadly hate! As ye make mony a fond heart mourn, Sae may it on your heads return! How can your flinty hearts enjoy The widow’s tears, the orphan’s cry? But soon may peace bring happy days And Willie hame to Logan braes! “Ye mind na, ‘mid your cruel joys, The widow’s tears, the orphan’s cries.”
Digital text from Project Gutenberg.
View the source edition · p. 281
About this edition
Four eight-line stanzas in both texts. Dick has “Ye mindna ’mid your cruel joys / The widow’s tears, the orphan’s cries”; Cunningham’s main text has “How can your flinty hearts enjoy / The widow’s tears, the orphan’s cry?” and footnote140 records the earlier wording matching Dick. Dick’s “in deadly hate” is Cunningham’s “to deadly hate”.