← Back to the work and its versions
O, poortith cauld and restless love
Cunningham (1855)
O poortith cauld, and restless love,
Ye wreck my peace between ye;
Yet poortith a’ I could forgive,
An’ twere na’ for my Jeanie.
O why should fate sic pleasure have,
Life’s dearest bands untwining?
Or why sae sweet a flower as love
Depend on fortune’s shining?
This warld’s wealth when I think on,
It’s pride, and a’ the lave o’t—
Fie, fie on silly coward man,
That he should be the slave o’t!
Her een sae bonnie blue betray
How she repays my passion;
But prudence is her o’erword ay,
She talks of rank and fashion.
O wha can prudence think upon,
And sic a lassie by him?
O wha can prudence think upon,
And sae in love as I am?
How blest the humble cotter’s fate!
He wooes his simple dearie;
The silly bogles, wealth and state,
Can never make them eerie.
O why should Fate sic pleasure have,
Life’s dearest bands untwining?
Or why sae sweet a flower as love
Depend on Fortune’s shining?Digital text from Project Gutenberg.
View the source edition · p. 276
About this edition
Dick prints “wild-wood Indian’s fate / He woos his artless dearie” and “make him eerie”; Cunningham substitutes “humble cotter’s fate / He wooes his simple dearie” and “make them eerie”, preserving the Indian phrase in footnote 138. Dick has “wrack”, “My curse”, “bonie”, and “She talks o’”; Cunningham has “wreck”, “Fie, fie”, “bonnie”, and “She talks of”. Dick labels the chorus once after stanza 1; Cunningham repeats it at the end.