Skip to content
Robert Burns Home Search

← Back to the work and its versions

The deuks dang o’er my Daddie

Cunningham (1855)

The bairns gat out wi’ an unco shout,
  The deuks dang o’er my daddie, O!
The fien’-ma-care, quo’ the feirrie auld wife,
  He was but a paidlin body, O!
He paidles out, an’ he paidles in,
  An’ he paidles late an’ early, O!
This seven lang years I hae lien by his side,
  An’ he is but a fusionless carlie, O!

O, hand your tongue, my feirrie auld wife,
  O, haud your tongue, now Nansie, O!
I’ve seen the day, and sae hae ye,
  Ye wadna been sae donsie, O!
I’ve seen the day ye butter’d my brose,
  And cuddled me late and early, O!
But downa do’s come o’er me now,
  And, oh! I feel it sairly, O!

Digital text from Project Gutenberg.

View the source edition · p. 262

About this edition

Cunningham’s preface discusses several poems he left out of the collection.

Project Gutenberg ebook licence notice