Skip to content
Robert Burns Home Search

← Back to the work and its versions

An O for ane and twenty, Tam

Cunningham (1855)

An O, for ane-and-twenty, Tam,
  An’ hey, sweet ane-and-twenty, Tam,
I’ll learn my kin a rattlin’ sang,
  An I saw ane-and-twenty, Tam.

They snool me sair, and haud me down,
  And gar me look like bluntie, Tam!
But three short years will soon wheel roun’—
  And then comes ane-and-twenty, Tam.

A gleib o’ lan’, a claut o’ gear,
  Was left me by my auntie, Tam,
At kith or kin I need na spier,
  An I saw ane-and-twenty, Tam.

They’ll hae me wed a wealthy coof,
  Tho’ I mysel’ hae plenty, Tam;
But hear’st thou, laddie—there’s my loof—
  I’m thine at ane-and-twenty, Tam.
    An O, for ane-and-twenty, Tam!
      An hey, sweet ane-and-twenty, Tam!
    I’ll learn my kin a rattlin’ song,
      An I saw ane-and-twenty, Tam.

Digital text from Project Gutenberg.

View the source edition · p. 252

About this edition

Both editions have an initial chorus and three quatrains. Cunningham reprints the chorus after the final verse; Dick does not. Dick’s “needna” is Cunningham’s “need na”; the tune title is Moudiewart in Dick and Moudiewort in Cunningham. The older moudiewart stanza quoted in Dick’s note remains a separate dependent text.

Project Gutenberg ebook licence notice