Skip to content
Robert Burns Home Search

← Back to the work and its versions

Bonnie wee thing, cannie wee thing

Cunningham (1855)

Bonnie wee thing, cannie wee thing,
  Lovely wee thing, wert thou mine,
I wad wear thee in my bosom,
  Lest my jewel I should tine.
Wishfully I look and languish
  In that bonnie face o’ thine;
And my heart it stounds wi’ anguish,
  Lest my wee thing be na mine.

Wit, and grace, and love, and beauty
  In ae constellation shine;
To adore thee is my duty,
  Goddess o’ this soul o’ mine!
Bonnie wee thing, cannie wee thing.
  Lovely wee thing, wert thou mine,
I wad wear thee in my bosom,
  Lest my jewel I should tine!

Digital text from Project Gutenberg.

View the source edition · p. 250

Project Gutenberg ebook licence notice