Skip to content
Robert Burns Home Search

← Back to the work and its versions

Merry hae I been teethin’ a heckle

Cunningham (1855)

O merry hae I been teethin’ a heckle,
  And merry hae I been shapin’ a spoon;
O merry hae I been cloutin a kettle,
  And kissin’ my Katie when a’ was done.
O a’ the lang day I ca’ at my hammer,
  An’ a’ the lang day I whistle and sing,
A’ the lang night I cuddle my kimmer,
  An’ a’ the lang night as happy’s a king.

Bitter in dool I lickit my winnins,
  O’ marrying Bess to gie her a slave:
Blest be the hour she cool’d in her linens,
  And blythe be the bird that sings on her grave.
Come to my arms, my Katie, my Katie,
  An’ come to my arms and kiss me again!
Drunken or sober, here’s to thee, Katie!
  And blest be the day I did it again.

Digital text from Project Gutenberg.

View the source edition · p. 239

About this edition

Both editions have two eight-line stanzas. Dick has An’ merry, repeated O at the start of the night line, Drucken and An’ blest; Cunningham has And merry, no O at that night line, Drunken and And blest. Cunningham adds apostrophes to teethin, shapin and kissin. The commas around dool, Bess and arms, and the end marks after grave and Katie, differ.

Project Gutenberg ebook licence notice