Skip to content
Robert Burns Home Search

← Back to the work and its versions

Ca’ the Ewes to the Knowes

Cunningham (1855)

Ca’ the ewes to the knowes,
Ca’ them whare the heather grows,
Ca’ them whare the burnie rowes,
  My bonnie dearie!

As I gaed down the water-side,
There I met my shepherd lad,
He row’d me sweetly in his plaid,
  An’ he ca’d me his dearie.

Will ye gang down the water-side,
And see the waves sae sweetly glide,
Beneath the hazels spreading wide?
  The moon it shines fu’ clearly.

I was bred up at nae sic school,
My shepherd lad, to play the fool,
And a’ the day to sit in dool,
  And naebody to see me.

Ye sall get gowns and ribbons meet,
Cauf-leather shoon upon your feet,
And in my arms ye’se lie and sleep,
  And ye shall be my dearie.

If ye’ll but stand to what ye’ve said,
I’se gang wi’ you, my shepherd lad,
And ye may rowe me in your plaid,
  And I shall be your dearie.

While waters wimple to the sea;
While day blinks in the lift sae hie;
’Till clay-cauld death sall blin’ my e’e,
  Ye sall be my dearie.
    Ca’ the ewes to the knowes,
    Ca’ them whare the heather grows,
    Ca’ them whare the burnie rowes,
      My bonnie dearie.

Digital text from Project Gutenberg.

View the source edition · p. 238

About this edition

Dick prints a chorus followed by six quatrains; Cunningham additionally prints the chorus after the final stanza. Dick’s “in nae sic school” differs from Cunningham’s “at nae sic school”; “thou’lt lie” and “An’ ay sall” differ from “ye’se lie” and “And ye shall”. The complete later Hark the mavis lyric (Dick no.118) was read separately, including its five stanzas and shared chorus; it has no own score.

Project Gutenberg ebook licence notice