← Back to the work and its versions
Awa, Whigs, awa
Cunningham (1855)
Awa Whigs, awa!
Awa Whigs, awa!
Ye’re but a pack o’ traitor louns,
Ye’ll do nae good at a’.
Our thrissles flourish’d fresh and fair,
And bonnie bloom’d our roses;
But Whigs came like a frost in June,
And wither’d a’ our posies.
Our ancient crown’s fa’n in the dust—
Deil blin’ them wi’ the stoure o’t;
And write their names in his black beuk,
Wha gae the Whigs the power o’t.
Our sad decay in Church and State
Surpasses my descriving:
The Whigs came o’er us for a curse,
And we hae done wi’ thriving.
Grim vengeance lang ha’s taen a nap,
But we may see him wauken;
Gude help the day when royal heads
Are hunted like a maukin.
Awa Whigs, awa!
Awa Whigs, awa!
Ye’re but a pack o’ traitor louns,
Ye’ll do nae gude at a’.Digital text from Project Gutenberg.
View the source edition · p. 238
About this edition
Dick brackets the opening chorus and first stanza together and brackets the third stanza separately. Cunningham prints unbracketed numbered verses and repeats the chorus at the end. His opening chorus has good, his final chorus gude; Dick has gude. Dick’s bonie, cam, fa’en, has and waukin appear as bonnie, came, fa’n, ha’s and wauken in Cunningham. The dust-curse punctuation differs.