Awa, Whigs, awa 1855 · Awa, Whigs, awa — Cunningham1855 Awa Whigs, awa! Awa Whigs, awa! Ye’re but a pack o’ traitor louns, Ye’ll do nae good at a’. Our thrissles flourish’d fresh and fair, And bonnie bloom’d our roses; But Whigs came like a frost in June, And wither’d a’ our posies. Our ancient crown’s fa’n in the dust— Deil blin’ them wi’ the stoure o’t; And write their names in his black beuk, Wha gae the Whigs the power o’t. Our sad decay in Church and State Surpasses my descriving: The Whigs came o’er us for a curse, And we hae done wi’ thriving. Grim vengeance lang ha’s taen a nap, But we may see him wauken; Gude help the day when royal heads Are hunted like a maukin. Awa Whigs, awa! Awa Whigs, awa! Ye’re but a pack o’ traitor louns, Ye’ll do nae gude at a’. printed 238; HTML #songsLXXXI https://www.gutenberg.org/files/18500/18500-h/18500-h.htm#songsLXXXI