Skip to content
Robert Burns Home Search

← Back to the work and its versions

Braw, braw Lads of Galla Water

Cunningham (1855)

Braw, braw lads of Galla Water;
  O braw lads of Galla Water:
I’ll kilt my coats aboon my knee,
  And follow my love thro’ the water.

Sae fair her hair, sae brent her brow,
  Sae bonny blue her een, my dearie;
Sae white her teeth, sae sweet her mou’,
  The mair I kiss she’s ay my dearie.

O’er yon bank and o’er yon brae,
  O’er yon moss amang the heather;
I’ll kilt my coats aboon my knee,
  And follow my love thro’ the water.

Down amang the broom, the broom,
  Down amang the broom, my dearie,
The lassie lost a silken snood,
  That cost her mony a blirt and bleary.
    Braw, braw lads of Galla Water;
      O braw lads of Galla-Water:
    I’ll kilt my coats aboon my knee,
      And follow my love thro’ the water.

Digital text from Project Gutenberg.

View the source edition · p. 223

Project Gutenberg ebook licence notice