Skip to content
Robert Burns Home Search

← Back to the work and its versions

I am my mammy’s ae bairn

Cunningham (1855)

I am my mammy’s ae bairn,
  Wi’ unco folk I weary, Sir;
And lying in a man’s bed,
  I’m fley’d it make me eerie, Sir.
    I’m o’er young to marry yet;
      I’m o’er young to marry yet;
    I’m o’er young—’twad be a sin
      To tak’ me frae my mammy yet.

Hallowmas is come and gane,
  The nights are lang in winter, Sir;
And you an’ I in ae bed,
  In trouth, I dare na venture, Sir.

Fu’ loud and shrill the frosty wind,
  Blaws through the leafless timmer, Sir;
But, if ye come this gate again,
  I’ll aulder be gin simmer, Sir.
    I’m o’er young to marry yet;
      I’m o’er young to marry yet;
    I’m o’er young, ’twad be a sin
      To tak me frae my mammy yet.

Digital text from Project Gutenberg.

View the source edition · p. 222

About this edition

Cunningham’s preface discusses several poems he left out of the collection.

Project Gutenberg ebook licence notice