Skip to content
Robert Burns Home Search

← Back to the work and its versions

To Mr. M’Adam, of Craigen-gillan

Cunningham (1855)

Sir, o’er a gill I gat your card,
  I trow it made me proud;
See wha tak’s notice o’ the bard
  I lap and cry’d fu’ loud.

Now deil-ma-care about their jaw,
  The senseless, gawky million:
I’ll cock my nose aboon them a’—
  I’m roos’d by Craigen-Gillan!

’Twas noble, Sir; ’twas like yoursel’,
  To grant your high protection:
A great man’s smile, ye ken fu’ well,
  Is ay a blest infection.

Tho’ by his banes who in a tub
  Match’d Macedonian Sandy!
On my ain legs thro’ dirt and dub,
  I independent stand ay.—

And when those legs to gude, warm kail,
  Wi’ welcome canna bear me;
A lee dyke-side, a sybow-tail,
  And barley-scone shall cheer me.

Heaven spare you lang to kiss the breath
  O’ many flow’ry simmers!
And bless your bonnie lasses baith,
  I’m tauld they’re loosome kimmers!

And God
  The blossom of our gentry!
And may he wear an auld man’s beard,
  A credit to his country.

Digital text from Project Gutenberg.

View the source edition · p. 129

About this edition

Cunningham’s proposed connection with The Jolly Beggars is tentative.

Project Gutenberg ebook licence notice