Skip to content
Robert Burns Home Search

← Back to the work and its versions

O Mary, Ye's Be Clad in Silk

Scots Musical Museum, vol. VI (1839) · no. 585

O Mary ye's be clad in silk.

O Mary ye's be clad in silk,
And diamonds in your hair,
Gin ye'll consent to be my bride
Nor think on Arthur mair.
Oh wha wad wear a silken gown,
Wi' tears blinding their ee,
Before I'll break my true love's heart,
I'll lay me down and die.

For I have pledg'd my virgin troth,
Brave Arthur's fate to share,
And he has gien to me his heart
Wi' a' its virtues rare.
The mind whase every wish is pure,
Far dearer is to me,
And e'er I'm forced to break my faith
I'll lay me down and di'.

So trust me when I swear to thee,
By a' that is on high,
Though ye had a' this warld's gear,
My heart ye could na buy;
For langest life can ne'er repay,
The love he bears to me,
And e'er I'm forc'd to break my troth,
I'll lay me down and die.

View the source edition · O Mary ye's be clad in silk.; p. 605