Skip to content
Robert Burns Home Search

← Back to the work and its versions

How Sweet Is the Scene

Scots Musical Museum, vol. VI (1839) · no. 567

How sweet is the scene.

How sweet is the scene at the dawning o' morning,
How fair ilka object that lives in the view
Dame nature the valley an' hillock adorning,
The primrose an' blue bells yet wet wi' the dew.
How sweet in the morning o' life is my Anna
Her smile like the sunbeam that glents o'er the lee
To wander and leave her, dear lassie, I canna,
Frae love an' frae beauty I never can flee.

O lang ha'e I lo'd, her an' loe, her fu' dearly,
An' aft ha'e I pree'd o' her bonny sweet mow!
An' aft ha'e I read in her e'e blinkin' clearly,
A language that bade me be constant an' true!
Then others may doat on their fond war'ly treasure,
For pelf, silly pelf, they may brave the rude sea;
To love my sweet lassie be mine the dear pleasure
Wi' her let me live—and wi' her let me die!

View the source edition · How sweet is the scene.; p. 586