Skip to content
Robert Burns Home Search

← Back to the work and its versions

A Cogie of Ale and a Pickle Ait Meal

Scots Musical Museum, vol. VI (1839) · no. 545

A Cogie of ale, and a pickle ait meal.

A cogie of ale and a pickle ait meal,
And a dainty wee drappy of whisky
Was our forefathers dose to swiel down their brose
& mak' them blythe cheery an' frisky.

CHORUS

Then hey for the cogie and hey for the ale
And hey for the whisky & hey for the meal;
When mix'd a' thegether they do unco weel,
To mak' a chield cheery and brisk ay.

As I view our Scots lads, in their kilts and cockades,
A' blooming and fresh as a rose, man;
I think wi' mysel', O! the meal and the ale,
And the fruits of our Scottish kail brose, man.

When our brave highland blades, wi' their claymores and plaids,
In the field, drive, like sheep, a' our foes, man;
Their courage and pow'r, spring frae this, to be sure,
They're the noble effects of the brose, man.

But your spindle shank'd sparks, wha but ill set their sarks,
And your pale visag'd milksops, and beaus, man,
I think when I see them, 'twere kindness to gi'e them,
A cogie of ale and of brose, man.

View the source edition · A Cogie of ale, and a pickle ait meal.; p. 564