A Cogie of Ale and a Pickle Ait Meal The Scotish Musical Museum · 1839 · volume VI A Cogie of ale, and a pickle ait meal. A cogie of ale and a pickle ait meal, And a dainty wee drappy of whisky Was our forefathers dose to swiel down their brose & mak' them blythe cheery an' frisky. CHORUS Then hey for the cogie and hey for the ale And hey for the whisky & hey for the meal; When mix'd a' thegether they do unco weel, To mak' a chield cheery and brisk ay. As I view our Scots lads, in their kilts and cockades, A' blooming and fresh as a rose, man; I think wi' mysel', O! the meal and the ale, And the fruits of our Scottish kail brose, man. When our brave highland blades, wi' their claymores and plaids, In the field, drive, like sheep, a' our foes, man; Their courage and pow'r, spring frae this, to be sure, They're the noble effects of the brose, man. But your spindle shank'd sparks, wha but ill set their sarks, And your pale visag'd milksops, and beaus, man, I think when I see them, 'twere kindness to gi'e them, A cogie of ale and of brose, man. A Cogie of ale, and a pickle ait meal.; printed pp. 564,564; PDF pp. 64,64 https://digital.nls.uk/87799447#page=64