Skip to content
Robert Burns Home Search

← Back to the work and its versions

O Mary, Turn Awa

Scots Musical Museum, vol. VI (1839) · no. 541

O Mary turn awa

O Mary turn awa
That bonny face o' thine
O dinna dinna shaw that breast
That never can be mine.
Can ought o' warld's gear
E'er cool my bosom's care
Na na for ilka look o' thine
It only feeds despair.

Then Mary, turn awa'
That bonny face o' thine;
O dinna, dinna shaw that breast
That never can be mine!
Wi' love's severest pangs
My heart is laiden sair,
An' o'er my breast the grass maun grow
Ere I am free frae care!

Then I'll sit down and moan,
Just by yon spreadin' tree,
An' gin a leaf fa' in my lap,
I'll ca't a word frae thee!
Syne I'll gang to the bower,
Which thou wi' roses tied,
'Twas there by mony a blushing bud
I strove my love to hide.

View the source edition · O Mary turn awa; p. 560