Skip to content
Robert Burns Home Search

← Back to the work and its versions

What Ails the Lasses at Me?

Scots Musical Museum, vol. VI (1839) · no. 537

What ails the lasses at me.

I am a young bachelor winsome
a farmer by rank & degree
and few I see gang out mair handsome
to kirk or to market than me.
I've outsight and insight and credit,
And frae ony eelist I'm free
I'm weel enough boarded and bedded,
What ails a' the lasses at me.

My bughts of good store are no scanty,
My byres are well stocked wi' kye,
Of meal i' my girnels is plenty,
An' twa or three easments forby.
An' horse to ride out when they're weary,
An' cock with the best they can see,
An' then be ca'd dawty and deary,
I feirly what ails them at me.

Behind backs, afore fouk I've woo'd them,
An' a' the gates o't that I ken,
An' when they leugh o' me I trow'd them,
An' thought I had won, but what then;
When I speak of matters they grumble,
Nor are condescending and free,
But at my proposals ay stumble,
I wonder what ails them at me.

I've try'd them baith highland & lowland,
Where I a good bargain cou'd see,
But nane o' them fand I wad fall in,
Or say they wad buckle wi' me.
With jooks an' wi' scrapes I've address'd them,
Been with them baith modest and free,
But whatever way I caress'd them,
There's something still ails them at me.

O, if I kend how but to gain them,
How fond of the knack wad I be!
Or what an address could obtain them,
It should be twice welcome to me.
If kissing an' clapping wad please them,
That trade I should drive till I die;
But, however I study to ease them,
They've still an exception at me.

There's watacks, an' cripples, an' cranshaks,
An' a' the wandoghts that I ken,
No sooner they speak to the wenches,
But they are ta'en far enough ben;
But when I speak to them, that's stately
I find them ay ta'en with the gee,
An' get the denial right flatly;
What think ye, can ail them at me.

I have yet but ae offer to mak' them,
If they wad but hearken to me,
And that is, I'm willing to tak them,
If they their consent wad but gee;
Let her that's content write a billet,
An' get it transmitted to me,
I hereby engage to fulfil it,
Tho' cripple, tho' blind she sud be.

View the source edition · What ails the lasses at me.; p. 556