Skip to content
Robert Burns Home Search

← Back to the work and its versions

Now Bank and Brae

Scots Musical Museum, vol. VI (1839) · no. 521

Now bank an' brae.

Now bank an' brae are claith'd in green
an' scatter'd cowslips, sweetly spring
by Girvan's fairy haunted stream
The birdies flit on wanton wing
To Cassillis banks when e'ening fa's
there wi' my Mary let me flee
there catch her ilka glance o' love
the bonnie blink o' Mary's ee.

The chield wha boasts o' warld's walth,
Is aften laird o' meikle care;
But Mary she is a' mine ain,
Ah! Fortune canna gie me mair.
Then let me range by Cassillis' banks,
Wi' her the lassie dear to me,
And catch her ilka glance o' love,
The bonny blink o' Mary's ee.

View the source edition · Now bank an' brae.; p. 537