← Back to the work and its versions
Row Saftly, Thou Stream
Scots Musical Museum, vol. VI (1839) · no. 508
Row saftly, thou stream,
Row saftly, thou stream, thro' the wild spangl'd valley, O green be thy banks ever bonny an' fair! Sing sweetly ye birds as ye wanton fu' gaily yet strangers to sorrow an' strangers to care. The weary day lang I list to your sang, An' waste ilka moment sad cheerless alane; Each sweet little treasure o heart-cheering pleasure, [Fir?] fled frae my bosom. wi' Captain O'Kaine. Fu' aft on thy banks ha'e we pu'd the wild gowan, An' twisted a ringlet beneath the haw thorn! Ah! then each fond moment wi' pleasure was glowin! Sweet days o' delight which can never return! Now ever, wae's me! The tear fills mine e'e! An' sair is my heart wi' the rigour o' pain! Nae prospect returning To gladden life's morning. For green waves the willow o'er Captain O'Kaine!
Complete song text from Museum no. 508, with one uncertain source word marked.
View the source edition · Row saftly, thou stream,; p. 524
About this edition
Complete song text from Museum no. 508, with one uncertain source word marked.