← Back to the work and its versions
Auld Lang Syne
Thomson’s Scottish Airs (1799) · no. 68
Should auld acquaintance be forgot, And never brought to mind? Should auld acquaintance be forgot, And days o’ lang syne? Chorus. For auld lang syne, my dear, For auld lang syne, We’ll tak’ a cup o’ kindness yet, For auld lang syne. We twa ha’e run about the braes, And pu’d the gowans fine; But we’ve wander’d mony a weary foot, Sin’ auld lang syne. For auld lang syne, my dear, &c. We twa ha’e paidlet i’ the burn, Frae morning sun ’till dine: But seas between us braid ha’e roar’d, Sin’ auld lang syne. For auld lang syne, my dear, For auld lang syne, We’ll tak’ a cup o’ kindness yet, For auld lang syne. And there’s a hand, my trusty feire, And gi’es a hand o’ thine; And we’ll tak’ a right gude-willie waught, For auld lang syne. For auld lang syne, my dear, &c. And surely ye’ll be your pint-stoup, And surely I’ll be mine; And we’ll tak’ a cup o’ kindness yet, For auld lang syne. For auld lang syne, my dear, For auld lang syne, We’ll tak’ a cup o’ kindness yet, For auld lang syne.
Complete lyric checked against a high-resolution reproduction of the Morgan original. Typography normalised; Scots spelling, punctuation and refrain instructions retained.
View the source edition · Third set; letterpress and engraved p. 68
About this edition
The pint stanza comes last. The text reads “paidlet i’ the burn”, “sun ’till dine:”, “trusty feire”, “gi’es” and “gude-willie waught”. These small differences distinguish it from the separately photographed Thomson lyric. The date follows the Morgan Library’s identification of its original.