Skip to content
Robert Burns Home Search

← Back to the work and its versions

Auld Lang Syne

Thomson’s Scottish Airs · no. 68 · Glasgow copy

Should auld acquaintance be forgot,
And never brought to mind?
Should auld acquaintance be forgot,
And days o’ lang syne?
Chorus. For auld lang syne, my dear,
For auld lang syne,
We’ll tak’ a cup o’ kindness yet,
For auld lang syne.

We twa ha’e run about the braes,
And pu’d the gowans fine;
But we’ve wander’d mony a weary foot,
Sin’ auld lang syne.
For auld lang syne, my dear, &c.

We twa ha’e paidlet in the burn,
Frae morning sun till dine;
But seas between us braid ha’e roar’d
Sin’ auld lang syne.
For auld lang syne, my dear,
For auld lang syne,
We’ll tak’ a cup o’ kindness yet,
For auld lang syne.

And there’s a hand, my trustie feire,
And gi’e’s a hand o’ thine;
And we’ll tak’ a right gude-willie-waught,
For auld lang syne.
For auld lang syne, my dear, &c.

And surely ye’ll be your pint-stoup,
And surely I’ll be mine;
And we’ll tak’ a cup o’ kindness yet,
For auld lang syne.
For auld lang syne, my dear,
For auld lang syne,
We’ll tak’ a cup o’ kindness yet,
For auld lang syne.

The words follow Glasgow’s photograph of the printed page. The issue it came from is uncertain.

View the source edition · Letterpress p. 68

About this edition

The heading describes the words as “From an old MS. in the editor’s possession”. This lyric has small differences from the original 1799 printing, including “in the burn” and “trustie feire”. Its precise issue is undated. The reading preserves Scots spelling, punctuation and refrain instructions, with typography normalised.

On the timeline