← Back to the work and its versions
Auld Lang Syne
Dick (1903) · no. 234 · familiar tune
Should auld acquaintance be forgot,
And never brought to mind?
Should auld acquaintance be forgot,
And days o’ lang syne?
Chorus. For auld lang syne, my dear,
For auld lang syne,
We’ll tak a cup o’ kindness yet,
For auld lang syne.
We twa ha’e run about the braes,
And pu’d the gowans fine;
But we’ve wander’d mony a weary foot,
Sin’ auld lang syne.
We twa ha’e paidlet i’ the burn,
Frae morning sun ’till dine:
But seas between us braid ha’e roar’d
Sin’ auld lang syne.
And there’s a hand, my trusty feire,
And gie’s a hand o’ thine;
And we’ll tak a right gude-willie waught,
For auld lang syne.
And surely ye’ll be your pint-stoup,
And surely I’ll be mine;
And we’ll tak a cup o’ kindness yet,
For auld lang syne.Complete lyric checked against Dick 1903. Original Scots and stanza order retained; typography normalised.
View the source edition · no. 234; p. 209
About this edition
Dick calls this “Thomson’s Copy”. The chorus addresses “my dear”, and the pint-stoup stanza closes the song. The reading keeps Dick’s spellings, including “ha’e”, “paidlet”, “feire” and “gude-willie”. Select the original 1799 Thomson version to compare the earlier printed text.
View historical scores
Dick’s Songs of Robert Burns (1903)
no. 234; p. 209
