Skip to content
Robert Burns Home Search

← Back to the work and its versions

Tam Glen

Dick (1903) · no. 188

My heart is a-breaking, dear Tittie,
Some counsel unto me come len':
To anger them a' is a pity,
But what will I do wi' Tam Glen?

I'm thinking, wi' sic a braw fellow
In poortith I might mak a fen':
What care I in riches to wallow,
If I mauna marry Tam Glen?

There's Lowrie the Laird o' Dummeller;
'Guid day to you';—brute! he comes ben:
He brags and he blaws o' his siller,
But when will he dance like Tam Glen?

My minnie does constantly deave me,
And bids me beware o' young men:
They flatter, she says, to deceive me:
But wha can think sae o' Tam Glen?

My daddie says, gin I'll forsake him,
He'd gie me guid hunder marks ten:
But if it's ordain'd I maun take him,
O, wha will I get but Tam Glen?

Yestreen at the valentines' dealing,
My heart to my mou' gied a sten,
For thrice I drew ane without failing,
And thrice it was written—'Tam Glen'!

The last Hallowe'en I was waukin
My droukit sark-sleeve, as ye ken;
His likeness came up the house staukin,
And the very grey breeks o' Tam Glen!

Come, counsel, dear Tittie, don't tarry!
I'll gie ye my bonny black hen,
Gif ye will advise me to marry
The lad I lo'e dearly—Tam Glen.

These are the words printed below the score.

View the source edition · no. 188; p. 168

About this edition

Both print eight quatrains. In stanza III Dick closes Lowrie’s greeting before “brute”; Cunningham places “brute” within the quoted greeting. Dick has “He’d gie”, where Cunningham prints “He’ll gie”.

View historical scores

Dick’s Songs of Robert Burns (1903)

no. 188; p. 168

Full printed page 168 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 168.National Library of Scotland.

View source · Download citation

Download score page (.jpg)