← Back to the work and its versions
Whare are you gaun, my bonie lass
Dick (1903) · no. 187
'Whare are you gaun, my bonie lass, Whare are you gaun, my hiney?' She answer'd me right saucilie,— 'An errand for my minnie.' 'O, whare live ye, my bonie lass, O, whare live ye, my hiney?' 'By yon burnside, gin ye maun ken, In a wee house wi' my minnie.' But I foor up the glen at e'en To see my bonie lassie; And lang before the grey morn cam She was na hauf sae saucie. O, wearie fa' the waukrife cock, And the foumart lay his crawin! He wauken'd the auld wife frae her sleep A wee blink or the dawin. An angry wife I wat she raise, And o'er the bed she brocht her; And wi' a meikle hazel rung She made her a weel-pay'd dochter. 'O, fare-thee-weel, my bonie lass! O, fare-thee-weel, my hiney! Thou art a gay and a bonie lass, But thou hast a waukrife minnie!'
Six stanzas from Dick’s 1903 edition.
View the source edition · no. 187; p. 167
About this edition
Syllables separated by the musical notation are joined into words in this reading.
Dick reports that Burns collected an older song and tune, and suggests that he amended some verses.
View historical scores
Dick’s Songs of Robert Burns (1903)
no. 187; p. 167
