Skip to content
Robert Burns Home Search

← Back to the work and its versions

The Collier Laddie

Dick (1903) · no. 133

'Whare live ye, my bonie lass,
And tell me what they ca' ye?'
'My name,' she says, 'is Mistress Jean,
And I follow the Collier Laddie.' (bis)

'See you not yon hills and dales
The sun shines on sae brawlie?
They a' are mine, and they shall be thine,
Gin ye'll leave your Collier Laddie.' (bis)

'An' ye shall gang in gay attire,
Weel buskit up sae gaudy,
And ane to wait on every hand,
Gin ye'll leave your Collier Laddie.' (bis)

'Tho' ye had a' the sun shines on,
And the earth conceals sae lowly,
I wad turn my back on you and it a',
And embrace my Collier Laddie.' (bis)

'I can win my five pennies in a day,
An' spend it at night fu' brawlie,
And make my bed in the Collier's neuk
And lie down wi' my Collier Laddie.' (bis)

'Luve for luve is the bargain for me,
Tho' the wee cott-house should haud me,
And the world before me to win my bread—
And fair fa' my Collier Laddie!' (bis)

These are the words printed below the score.

View the source edition · no. 133; p. 121

About this edition

Six quatrains in Dick, with “bis” applying to each last pair of lines; the reading retains that instruction rather than writing out a performance repeat. Cunningham writes the pair out. Dick has “Whare”, “in a day” and “An’ ye shall”, against Cunningham’s “Where”, “a day” and “Ye shall”.

View historical scores

Dick’s Songs of Robert Burns (1903)

no. 133; p. 121

Full printed page 121 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 121.National Library of Scotland.

View source · Download citation

Download score page (.jpg)