Skip to content
Robert Burns Home Search

← Back to the work and its versions

O, wat ye wha that lo'es me

Dick (1903) · no. 98

O, wat ye wha that lo'es me,
And has my heart a keeping?
O, sweet is she that lo'es me
As dews o' summer weeping,
In tears the rosebuds steeping!

CHORUS

O, that's the lassie o' my heart,
My lassie ever dearer;
O, that's the queen o' womankind,
And ne'er a ane to peer her!

If thou shalt meet a lassie
In grace and beauty charming,
That e'en thy chosen lassie,
Erewhile thy breast sae warming,
Had ne'er sic powers alarming:—

If thou hadst heard her talking
(And thy attention's plighted),
That ilka body talking
But her, by thee is slighted,
And thou art all delighted:—

If thou hast met this fair one,
When frae her thou hast parted,
If every other fair one
But her thou hast deserted,
And thou art broken-hearted;

CHORUS

O, that's the lassie o' my heart,
My lassie ever dearer;
O, that's the queen o' womankind,
And ne'er a ane to peer her!

View the source edition · Dick1903 no. 98; pp. 92–93; PDF [148, 149]

About this edition

Syllables separated by the musical notation are joined into words in this reading.

View historical scores

Dick’s Songs of Robert Burns (1903)

Dick1903 no. 98; pp. 92–93; PDF [148, 149]

Full printed page 92 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 92.National Library of Scotland.

View source · Download citation

Download score page (.jpg)