Skip to content
Robert Burns Home Search

← Back to the work and its versions

My Nanie, O

Edinburgh Poems (1787)

I.
Behind yon hills where Stinchar flows,
’Mang moors an’ mosses many, O,
The wintry sun the day has clos’d,
And I’ll awa to Nanie, O.

II.
The westlin wind blaws loud an’ shill;
The night’s baith mirk and rainy, O;
But I’ll get my plaid an’ out I’ll steal,
An’ owre the hill to Nanie, O.

III.
My Nanie’s charming, sweet an’ young;
Nae artfu’ wiles to win ye, O:
May ill befa’ the flattering tongue
That wad beguile my Nanie, O.

IV.
Her face is fair, her heart is true,
As spotless as she’s bonie, O,
The op’ning gowan, wat wi’ dew,
Nae purer is than Nanie, O.

V.
A country lad is my degree,
An’ few there be that ken me, O;
But what care I how few they be,
I’m welcome ay to Nanie, O.

VI.
My riches a’s my penny-fee,
An’ I maun guide it cannie, O;
But warl’s gear ne’er troubles me,
My thoughts are a’, my Nanie, O.

VII.
Our auld Guidman delights to view
His sheep an’ kye thrive bonie, O;
But I’m as blythe that hauds his pleugh,
An’ has nae care but Nanie, O.

VIII.
Come weel come woe, I care na by,
I’ll tak what Heav’n will sen’ me, O;
Nae ither care in life have I,
But live, an’ love my Nanie, O.

View the source edition · pp. 322–324

About this edition

Mosses are boggy ground; mirk means dark; gowan is a daisy; kye means cattle. The speaker’s penny-fee is his cash wage, which he must manage carefully. The auld Guidman is the farmer whose plough he holds.

In the collected letter to Thomson, Burns calls the printed river name ‘horribly prosaic’ and proposes ‘Behind yon hills where Lugar flows’. He says Girvan suits the stanza’s idea best, but Lugar has ‘the most agreeable modulation of syllables’. The editor’s footnote identifies Stinchar in the 1787 edition. [2]