Epistle to J. Rankine, enclosing some Poems
Behind the poem
The epistle salutes Rankine’s rough wit, drinking and irreverent tricks. Its mock appeal to spare hypocrisy makes the opposite point: his jokes strip away the outward marks by which supposed saints distinguish themselves from everyone else.[1]
Read the fuller story
A request to exchange poems and a promised song leads into the speaker’s own complaint. He tells of shooting a partridge, being reported to a poaching court and paying a fee. The increasingly indignant sporting story turns a supposedly minor offence into a grievance and a vow to get his money’s worth from future game.[1]
The joking confession mixes resentment with extravagant bravado, including the risk of labour in Virginia. It closes with the formal courtesy of an obedient letter-writer after declaring that anger has stopped his pen. The shifting voices keep the complaint within the epistle’s comic performance.[1]
Cunningham locates Rankine at Adamhill and retells a dream story in which he answers an earl who calls poorer people brutes. His editorial anecdote and the footnote about the dream supply the local frame for the opening salute.[1]
Poem
Cunningham (1855)
EPISTLE TO J. RANKINE,
ENCLOSING SOME POEMS.
O rough, rude, ready-witted Rankine, The wale o’ cocks for fun an’ drinkin’! There’s monie godly folks are thinkin’, Your dreams an’ tricks Will send you, Korah-like, a-sinkin’ Straught to auld Nick’s. Ye hae sae monie cracks an’ cants, And in your wicked, dru’ken rants, Ye mak a devil o’ the saunts, An’ fill them fou; And then their failings, flaws, an’ wants, Are a’ seen through. Hypocrisy, in mercy spare it! That holy robe, O dinna tear it! Spare’t for their sakes wha aften wear it, The lads in black! But your curst wit, when it comes near it, Rives’t aff their back. Think, wicked sinner, wha ye’re skaithing, It’s just the blue-gown badge and claithing O’ saunts; tak that, ye lea’e them naething To ken them by, Frae ony unregenerate heathen, Like you or I. I’ve sent you here some rhyming ware, A’ that I bargain’d for, an’ mair; Sae, when you hae an hour to spare, I will expect Yon sang, ye’ll sen’t wi cannie care, And no neglect. Tho’ faith, sma’ heart hae I to sing! My muse dow scarcely spread her wing! I’ve play’d mysel’ a bonnie spring, An’ danc’d my fill! I’d better gaen an’ sair’t the king, At Bunker’s Hill. ’Twas ae night lately, in my fun, I gaed a roving wi’ the gun, An’ brought a paitrick to the grun’, A bonnie hen, And, as the twilight was begun, Thought nane wad ken. The poor wee thing was little hurt; I straikit it a wee for sport, Ne’er thinkin’ they wad fash me for’t; But, deil-ma-care! Somebody tells the poacher-court The hale affair. Some auld us’d hands had taen a note, That sic a hen had got a shot; I was suspected for the plot; I scorn’d to lie; So gat the whissle o’ my groat, An’ pay’t the fee. But, by my gun, o’ guns the wale, An’ by my pouther an’ my hail, An’ by my hen, an’ by her tail, I vow an’ swear! The game shall pay o’er moor an’ dale, For this niest year. As soon’s the clockin-time is by, An’ the wee pouts begun to cry, L—d, I’se hae sportin’ by an’ by, For my gowd guinea; Tho’ I should herd the buckskin kye For’t, in Virginia. Trowth, they had muckle for to blame! ’Twas neither broken wing nor limb, But twa-three draps about the wame Scarce thro’ the feathers; An’ baith a yellow George to claim, An’ thole their blethers! It pits me ay as mad’s a hare; So I can rhyme nor write nae mair; But pennyworths again is fair, When time’s expedient: Meanwhile I am, respected Sir, Your most obedient.
Digital text from Project Gutenberg.
View the source edition · p. 121
About this edition
This reading presents the section headings as separate titles and leaves out the Roman stanza numbers and typographic emphasis.
Cunningham edition footnotes
[54] A certain humorous dream of his was then making a noise
in the country-side.
[55] A song he had promised the author.