Skip to content
Robert Burns Home Search

← Poems & songs

The Auld Farmer’s New-Year Morning Salutation

Behind the poem

An old farmer greets his mare with a New-Year gift of corn and a lifetime of memories. Maggie’s back has hollowed, her joints are stiff and her coat has whitened, but he still sees the beautiful, powerful animal she once was. As he talks, her history becomes inseparable from his own: courtship, marriage, fairs, fieldwork and the struggle to keep going. His greeting ends with a practical promise to care for her through their remaining years.[1]

Read the fuller story

The long heading in the 1786 edition supplies the occasion. The farmer gives Maggie her accustomed “ripp” of corn to “hansel” the new year: a small gift marking its beginning. His speech has the familiarity of someone who knows every movement of the animal before him. He teases her awkwardness, then immediately remembers her strength and grace. The six-line stanza helps that voice move between affectionate exaggeration and a short, decisive phrase. Memories of speed repeatedly end in a little burst of motion.[1]

Maggie has belonged to the household for about twenty-nine years. The farmer recalls receiving her from his father-in-law as part of a marriage portion, along with fifty marks. Earlier, when he went courting Jenny, Maggie was still trotting beside her mother. She later carried his bride home, and he remembers horse and rider as a pair he could proudly display across Kyle-Stewart. These recollections give the mare a place inside the family’s beginnings. His praise of her beauty also brings the young Jenny briefly back into view.[1]

The speaker enjoys remembering their livelier days. At fairs Maggie pranced and snorted while townspeople stood back; when she had been well fed and he was mellow, they took the road like a swallow. He boasts of her speed and stamina against smaller hunters, then turns to the steadier excellence of ploughing and hauling. She faced steep slopes without stopping to blow. The poem’s dense Scots vocabulary makes this knowledge physical: legs, chest, tail, harness, soil and breath all enter his account. He admires a worker whose habits he has learned through years beside her.[1]

Care and labour are closely connected in these memories. During long frosts he heaped her wooden feeding bowl above the rim, confident she would repay that attention when work resumed. Her offspring now form his plough team, and others have brought money into the household. The account includes usefulness and value alongside affection. Then his language gathers man and mare together: they have worked many a hard day, fought the weary world and sometimes feared defeat. Their survival is a shared achievement.[1]

The final promise follows from that shared life. Calling Maggie his old, trusty servant, the farmer assures her that age has not made her less deserving. He will keep a portion of his last grain for her and move her tether carefully to reserved grazing, where she can stretch herself with little effort. “Tentie” means attentive; the tenderness takes the form of food, pasture and daily care. Burns lets the farmer’s lively recollections arrive at an obligation he can fulfil. The New-Year gift becomes a promise that faithful work and companionship will be remembered when strength has gone.[1][2]

Story references
  1. Robert Burns, Poems, chiefly in the Scottish dialect (Kilmarnock: John Wilson, 1786), “The Auld Farmer’s New-Year-Morning Salutation to his Auld Mare, Maggie”, pp.118–123 (PDF125–130), complete heading and poem.
  2. Burns, Poems, chiefly in the Scottish dialect (Kilmarnock, 1786), title and imprint page (PDF8).

Poem

Kilmarnock Poems (1786)

THE AULD FARMER’S NEW-YEAR-MORNING SALUTATION TO HIS AULD MARE, MAGGIE, ON GIVING HER THE ACCUSTOMED RIPP OF CORN TO HANSEL IN THE NEW-YEAR.

A Guid New-year I wish you Maggie!
Hae, there’s a ripp to thy auld baggie:
Tho’ thou’s howe-backet, now, an’ knaggie,
    I’ve seen the day,
Thou could hae gaen like ony staggie
    Out owre the lay.

Tho’ now thou’s dowie, stiff an’ crazy,
An’ thy auld hide as white’s a daisie,
I’ve seen thee dappl’t, sleek an’ glaizie,
    A bonie gray:
He should been tight that daur’t to raize thee,
    Ance in a day.

Thou ance was i’ the foremost rank,
A filly buirdly, steeve an’ swank,
An’ set weel down a shapely shank,
    As e’er tread yird;
An’ could hae flown out owre a stank,
    Like onie bird.

It’s now some nine-an’-twenty-year,
Sin’ thou was my Guidfather’s Meere;
He gied me thee, o’ tocher clear,
    An’ fifty mark;
Tho’ it was sma’, ’twas weel-won gear,
    An’ thou was stark.

When first I gaed to woo my Jenny,
Ye then was trottan wi’ your Minnie:
Tho’ ye was trickie, slee an’ funnie,
    Ye ne’er was donsie;
But hamely, tawie, quiet an’ cannie,
    An’ unco sonsie.

That day, ye pranc’d wi’ muckle pride,
When ye bure hame my bonie Bride:
An’ sweet an’ gracefu’ she did ride
    Wi’ maiden air!
KYLE-STEWART I could bragged wide,
    For sic a pair.

Tho’ now ye dow but hoyte and hoble,
An’ wintle like a saumont-coble,
That day, ye was a jinker noble,
    For heels an’ win’!
An’ ran them till they a’ did wauble,
    Far, far behin’!

When thou an’ I were young an’ skiegh,
An’ Stable-meals at Fairs were driegh,
How thou wad prance, an’ snore, an’ scriegh,
    An’ tak the road!
Towns-bodies ran, an’ stood abiegh,
    An’ ca’t thee mad.

When thou was corn’t, an’ I was mellow,
We took the road ay like a Swallow:
At Brooses thou had ne’er a fellow,
    For pith an’ speed;
But ev’ry tail thou pay’t them hollow,
    Whare’er thou gaed.

The sma’, droop-rumpl’t, hunter cattle,
Might aiblins waur’t thee for a brattle;
But sax Scotch mile, thou try’t their mettle,
    An’ gart them whaizle:
Nae whip nor spur, but just a wattle
    O’ saugh or hazle.

Thou was a noble Fittie-lan’,
As e’er in tug or tow was drawn!
Aft thee an’ I, in aught hours gaun,
    On guid March-weather,
Hae turn’d sax rood beside our han’,
    For days thegither.

Thou never braing’t, an’ fetch’t, an’ flisket,
But thy auld tail thou wad hae whisket,
An’ spread abreed thy weel-fill’d brisket,
    Wi’ pith an’ pow’r,
Till sprittie knowes wad rair’t an’ risket,
    An’ slypet owre.

When frosts lay lang, an’ snaws were deep,
An’ threaten’d labor back to keep,
I gied thy cog a wee-bit heap
    Aboon the timmer;
I ken’d my Maggie wad na sleep
    For that, or Simmer.

In cart or car thou never reestet;
The steyest brae thou wad hae fac’t it;
Thou never lap, an’ sten’t, an’ breastet,
    Then stood to blaw;
But just thy step a wee thing hastet,
    Thou snoov’t awa.

My Pleugh is now thy bairn-time a’;
Four gallant brutes, as e’er did draw;
Forby sax mae, I’ve sell’t awa,
    That thou hast nurst:
They drew me thretteen pund an’ twa,
    The vera warst.

Monie a sair daurk we twa hae wrought,
An’ wi’ the weary warl’ fought!
An’ monie an’ anxious day, I thought
    We wad be beat!
Yet here to crazy Age we’re brought,
    Wi’ something yet.

An’ think na, my auld, trusty Servan’,
That now perhaps thou’s less deservin,
An’ thy auld days may end in starvin’,
    For my last fow,
A heapet Stimpart, I’ll reserve ane
    Laid by for you.

We’ve worn to crazy years thegither;
We’ll toyte about wi’ ane anither;
Wi’ tentie care I’ll flit thy tether,
    To some hain’d rig,
Whare ye may nobly rax your leather,
    Wi’ sma’ fatigue.

Complete selected poem compared with the original pages.

View the source edition · pp. 118–123

About this edition

The 1786 poem, 108 verse lines, printed 118–123; PDF 125–130.

Edinburgh Poems (1787)

View the source edition · pp. 174–179

Cunningham (1855)

A guid New-year I wish thee, Maggie!
Hae, there’s a rip to thy auld baggie:
Tho’ thou’s howe-backit, now, an’ knaggie,
        I’ve seen the day
Thou could hae gaen like onie staggie
        Out-owre the lay.

Tho’ now thou’s dowie, stiff, an’ crazy,
An’ thy auld hide as white’s a daisy,
I’ve seen thee dappl’t, sleek, and glaizie,
        A bonny gray:
He should been tight that daur’t to raize thee,
        Ance in a day.

Thou ance was i’ the foremost rank,
A filly, buirdly, steeve, an’ swank,
An set weel down a shapely shank,
        As e’er tread yird;
An’ could hae flown out-owre a stank,
        Like ony bird.

It’s now some nine-an’-twenty year,
Sin’ thou was my guid-father’s Meere;
He gied me thee, o’ tocher clear,
        An’ fifty mark;
Tho’ it was sma’, ’twas weel-won gear,
        An’ thou was stark.

When first I gaed to woo my Jenny,
Ye then was trottin wi’ your minnie:
Tho’ ye was trickle, slee, an’ funny,
        Ye ne’er was donsie:
But hamely, tawie, quiet an’ cannie,
        An’ unco sonsie.

That day ye pranc’d wi’ muckle pride,
When ye bure hame my bonnie bride:
An’ sweet an’ gracefu’ she did ride,
        Wi’ maiden air!
Kyle-Stewart I could bragged wide,
        For sic a pair.

Tho’ now ye dow but hoyte and hoble,
An’ wintle like a saumont-coble,
That day, ye was a jinker noble,
        For heels an’ win’!
An’ ran them till they a’ did wauble,
        Far, far, behin’!

When thou an’ I were young an’ skeigh,
An’ stable-meals at fairs were dreigh,
How thou wad prance, an’ snore, an’ skreigh,
        An’ tak the road!
Town’s bodies ran, an’ stood abeigh,
        An’ ca’t thee mad.

When thou was corn’t, an’ I was mellow,
We took the road ay like a swallow:
At Brooses thou had ne’er a fellow,
        For pith an’ speed;
But every tail thou pay’t them hollow,
        Where’er thou gaed.

The sma’, droop-rumpl’t, hunter cattle,
Might aiblins waur’t thee for a brattle;
But sax Scotch miles thou try’t their mettle,
        An’ gar’t them whaizle:
Nae whip nor spur, but just a whattle
        O’ saugh or hazle.

Thou was a noble fittie-lan’,
As e’er in tug or tow was drawn:
Aft thee an’ I, in aught hours gaun,
        In guid March-weather,
Hae turn’d sax rood beside our han’
        For days thegither.

Thou never braindg’t, an’ fetch’t, an’ fliskit,
But thy auld tail thou wad hae whiskit,
An’ spread abreed thy weel-fill’d brisket,
        Wi’ pith an’ pow’r,
’Till spiritty knowes wad rair’t and risket,
        An’ slypet owre.

When frosts lay lang, an’ snaws were deep,
An’ threaten’d labour back to keep,
I gied thy cog a wee-bit heap
        Aboon the timmer;
I ken’d my Maggie wad na sleep
        For that, or simmer.

In cart or car thou never reestit;
The steyest brae thou wad hae fac’t it;
Thou never lap, an’ sten’t, an’ breastit,
        Then stood to blaw;
But just thy step a wee thing hastit,
        Thou snoov’t awa.

My pleugh is now thy bairntime a’;
Four gallant brutes as e’er did draw;
Forbye sax mae, I’ve sell’t awa,
        That thou hast nurst:
They drew me thretteen pund an’ twa,
        The vera worst.

Monie a sair daurk we twa hae wrought,
An, wi’ the weary warl’ fought!
An’ monie an anxious day, I thought
        We wad be beat!
Yet here to crazy age we’re brought,
        Wi’ something yet.

And think na, my auld, trusty servan’,
That now perhaps thou’s less deservin,
An’ thy auld days may end in starvin,
        For my last fow,
A heapit stimpart, I’ll reserve ane
        Laid by for you.

We’ve worn to crazy years thegither;
We’ll toyte about wi’ ane anither;
Wi’ tentie care I’ll flit thy tether,
        To some hain’d rig,
Whare ye may nobly rax your leather,
        Wi’ sma’ fatigue.

Digital text from Project Gutenberg.

View the source edition · p. 67

Project Gutenberg ebook licence notice

Burns’s own writing

Burns writes in the voice of an old farmer recalling a lifetime of work with his mare. The speaker’s marriage and family memories belong to that poetic address.

Words Robert Burns
Burns’s role Writer of the poem

Kilmarnock, 1786; pp. 118–123

← Poems & songs