Skip to content
Robert Burns Home Search

← Poems & songs

The Holy Fair

Behind the poem

A summer Sunday gathering becomes a crowded theatre of sermons, gossip, food, drink and flirtation. In “The Holy Fair”, Burns follows people whose attention moves freely between religious observance and worldly pleasure. His guide is Fun, one of three women met on the road. Her companions are Superstition and Hypocrisy, and her invitation promises a day of watching and laughing at them.[1]

Read the fuller story

The 1786 Kilmarnock edition introduces the poem with an eight-line epigraph headed “Hypocrisy A-la-Mode”. Its figure carries a concealed weapon of defamation and wraps himself in religion. That warning prepares the satire, but the opening scene is bright and inviting: sunlight crosses the Galston moors, hares move through the furrows and larks sing. Fun recognises the narrator as someone who has broken commandments for her sake, making him an implicated companion from the start.[1][2]

The approaching crowd gives the occasion its social breadth. Farmers ride beside their cotters; young men display fine clothes; women bring cheese and bread. At the gathering, some think about their sins, others about their appearance, while men seek seats beside women. Burns makes these different purposes coexist in the same space. The recurring short endings of the twenty-seven nine-line stanzas keep returning us to what is happening “that day”, gathering the scenes into a single restless occasion.[1]

The preachers become performers whose voices, faces and gestures command sharply different responses. One stamps and jumps, stirring devotion through noise and terror. Another speaks about practice, morals and reason, only to see supposedly discerning listeners leave for the drink. Common Sense itself departs as the succession continues. Several names are concealed by asterisks in this edition; the caricatures work through their actions and their audiences’ reactions. The satire repeatedly asks what kind of preaching people wish to hear, as well as what the preachers offer.[1]

The most frightening sermon describes a bottomless pit of burning sulphur. Half-asleep listeners start up, believing that they hear its roar, before the sound resolves into a neighbour’s snoring. A footnote identifies Shakespeare’s Hamlet behind the phrase about harrowing souls. The shift from literary terror to an ordinary sleeping body gives the scene its comic release. Elsewhere, drinkers become noisy commentators on logic and scripture, carrying religious argument into the alehouse until it threatens a quarrel.[1]

Food and courtship continue alongside these performances. A confident housewife brings out her cheese and knife; the men hesitate over who will say grace, then produce an excessively long blessing. Young people inspect one another’s clothes and make arrangements to meet. The poem’s Scots vocabulary keeps the movement tangible: “kebbuck” is cheese, “yill” is ale, and “crack” is conversation. The gathering offers opportunities for appetite and sociability as well as devotion.[1]

The ending turns conversion into a double meaning. Hearts of stone soften, but the changes include desire as well as religious feeling. Some people are full of divine love, others of brandy, and encounters begun at the fair may lead to sexual intimacy later. Fun has kept her promise. The closing joke draws together the poem’s bodies, beliefs and pleasures, leaving the human bustle of the occasion vividly alive.[1]

Story references
  1. Robert Burns, Poems, chiefly in the Scottish dialect (Kilmarnock: John Wilson, 1786), “The Holy Fair”, pp.40–54 (PDF47–61), complete poem, epigraph and Hamlet footnote.
  2. Burns, Poems, chiefly in the Scottish dialect (1786), title and imprint page (PDF8).

Poem

Kilmarnock Poems (1786)

THE HOLY FAIR.

I.
UPON a simmer Sunday morn,
    When Nature’s face is fair,
I walked forth to view the corn,
    An’ snuff the callor air.
The rising sun, our GALSTON Muirs,
    Wi’ glorious light was glintan;
The hares were hirplan down the furrs,
    The lav’rocks they were chantan
        Fu’ sweet that day.

II.
As lightsomely I glowr’d abroad,
    To see a scene sae gay,
Three hizzies, early at the road,
    Cam skelpan up the way.
Twa had manteeles o’ dolefu’ black,
    But ane wi’ lyart lining;
The third, that gaed a wee a-back,
    Was in the fashion shining
        Fu’ gay that day.

III.
The twa appear’d like sisters twin,
    In feature, form an claes;
Their visage wither’d, lang an’ thin,
    An’ sour as ony slaes:
The third cam up, hap-step-an’-loup,
    As light as ony lambie,
An’ wi’ a curchie low did stoop,
    As soon as e’er she saw me,
        Fu’ kind that day.

IV.
Wi’ bonnet aff, quoth I, “Sweet lass,
    “I think ye seem to ken me;
“I’m sure I’ve seen that bonie face,
    “But yet I canna name ye.”
Quo’ she, an’ laughan as she spak,
    An’ taks me by the han’s,
“Ye, for my sake, hae gien the feck
    “Of a’ the ten comman’s
        A screed some day.”

V.
“My name is FUN—your cronie dear,
    “The nearest friend ye hae;
“An’ this is SUPERSTITION here,
    “An’ that’s HYPOCRISY.
“I’m gaun to ********* holy fair,
    “To spend an hour in daffin:
“Gin ye’ll go there, yon runkl’d pair,
    “We will get famous laughin
        At them this day.”

VI.
Quoth I, “With a’ my heart, I’ll do’t;
    “I’ll get my sunday’s sark on,
“An’ meet you on the holy spot;
    “Faith, we’se hae fine remarkin!”
Then I gaed hame at crowdie-time,
    An’ soon I made me ready;
For roads were clad, frae side to side,
    Wi’ monie a wearie body,
        In droves that day.

VII.
Here, farmers gash, in ridin graith,
    Gaed hoddan by their cotters;
There, swankies young, in braw braid-claith,
    Are springan owre the gutters.
The lasses, skelpan barefit, thrang,
    In silks an’ scarlets glitter;
Wi’ sweet-milk cheese, in monie a whang,
    An’ farls, bak’d wi’ butter,
        Fu’ crump that day.

VIII.
When by the plate we set our nose,
    Weel heaped up wi’ ha’pence,
A greedy glowr black-bonnet throws,
    An’ we maun draw our tippence.
Then in we go to see the show,
    On ev’ry side they’re gath’ran;
Some carryan dails, some chairs an’ stools,
    An’ some are busy bleth’ran
        Right loud that day.

IX.
Here stands a shed to fend the show’rs,
    An’ screen our countra Gentry;
There, racer Jess, an’ twathree wh—res,
    Are blinkan at the entry.
Here sits a raw o’ tittlan jads,
    Wi’ heaving breasts an’ bare neck;
An’ there, a batch o’ Wabster lads,
    Blackguarding frae K*******ck
        For fun this day.

X.
Here, some are thinkan on their sins,
    An’ some upo’ their claes;
Ane curses feet that fyl’d his shins,
    Anither sighs an’ prays:
On this hand sits an Elect swatch,
    Wi’ screw’d-up, grace-proud faces;
On that, a set o’ chaps, at watch,
    Thrang winkan on the lasses
        To chairs that day.

XI.
O happy is that man, an’ blest!
    Nae wonder that it pride him!
Whase ain dear lass, that he likes best,
    Comes clinkan down beside him!
Wi’ arm repos’d on the chair-back,
    He sweetly does compose him;
Which, by degrees, slips round her neck,
    An’s loof upon her bosom
        Unkend that day.

XII.
Now a’ the congregation o’er
    Is silent expectation;
For ****** speels the holy door,
    Wi’ tidings o’ s—lv—t—n.
Should Hornie, as in ancient days,
    ’Mang sons o’ G— present him,
The vera sight o’ ******’s face,
    To’s ain het hame had sent him
        Wi’ fright that day.

XIII.
Hear how he clears the points o’ Faith
    Wi’ rattlin an’ thumpin!
Now meekly calm, now wild in wrath,
    He’s stampan, an’ he’s jumpan!
His lengthen’d chin, his turn’d up snout,
    His eldritch squeel an’ gestures,
O how they fire the heart devout,
    Like cantharidian plaisters
        On sic a day!

XIV.
But hark! the tent has chang’d it’s voice;
    There’s peace an’ rest nae langer;
For a’ the real judges rise,
    They canna sit for anger.
***** opens out his cauld harangues,
    On practice and on morals;
An’ aff the godly pour in thrangs,
    To gie the jars an’ barrels
        A lift that day.

XV.
What signifies his barren shine,
    Of moral pow’rs an’ reason?
His English style, an’ gesture fine,
    Are a’ clean out o’ season.
Like SOCRATES or ANTONINE,
    Or some auld pagan heathen,
The moral man he does define,
    But ne’er a word o’ faith in
        That’s right that day.

XVI.
In guid time comes an antidote
    Against sic poosion’d nostrum;
For *******, frae the water-fit,
    Ascends the holy rostrum:
See, up he’s got the word o’ G—,
    An’ meek an’ mim has view’d it,
While COMMON-SENSE has taen [edge unresolved] road,
    An’ aff, an’ up the Cowgate
        Fast, fast that day.

XVII.
Wee ****** niest, the Guard relieves,
    An’ Orthodoxy raibles,
Tho’ in his heart he weel believes,
    An’ thinks it auld wives’ fables:
But faith! the birkie wants a Manse,
    So, cannilie he hums them;
Altho’ his carnal Wit an’ Sense
    Like hafflins-wise o’ercomes him
        At times that day.

XVIII.
Now, butt an’ ben, the Change-house fills,
    Wi’ yill-caup Commentators:
Here’s crying out for bakes an’ gills,
    An’ there the pint-stowp clatters;
While thick an’ thrang, an’ loud an’ lang,
    Wi’ Logic, an’ wi’ Scripture,
They raise a din, that, in the end,
    Is like to breed a rupture
        O’ wrath that day.

XIX.
Leeze me on Drink! it gies us mair
    Than either School or Colledge:
It kindles Wit, it waukens Lear,
    It pangs us fou o’ Knowledge.
Be’t whisky-gill or penny-wheep,
    Or ony stronger potion,
It never fails, on drinkin deep,
    To kittle up our notion,
        By night or day.

XX.
The lads an’ lasses, blythely bent
    To mind baith saul an’ body,
Sit round the table, weel content,
    An’ steer about the toddy.
On this ane’s dress, an’ that ane’s leuk,
    They’re makin observations;
While some are cozie i’ the neuk,
    An’ forming assignations
        To meet some day.

XXI.
But now the L—’s ain trumpet touts,
    Till a’ the hills are rairan,
An’ echos back return the shouts;
    Black ****** is na spairan:
His piercin words, like Highlan swords,
    Divide the joints an’ marrow;
His talk o’ H—ll, whare devils dwell,
    Our vera * “Sauls does harrow”
        Wi’ fright that day!

XXII.
A vast, unbottom’d, boundless Pit,
    Fill’d fou o’ lowan brunstane,
Whase raging flame, an’ scorching heat,
    Wad melt the hardest whun-stane!
The half asleep start up wi’ fear,
    An’ think they hear it roaran,
When presently it does appear,
    ’Twas but some neebor snoran
        Asleep that day.

XXIII.
’Twad be owre lang a tale to tell,
    How monie stories past,
An’ how they crouded to the yill,
    When they were a’ dismist:
How drink gaed round, in cogs an’ caups
    Amang the furms an’ benches;
An’ cheese an’ bread, frae women’s laps,
    Was dealt about in lunches,
        An’ dawds that day.

XXIV.
In comes a gawsie, gash Guidwife,
    An’ sits down by the fire,
Syne draws her kebbuck an’ her knife;
    The lasses they are shyer.
The auld Guidmen, about the grace,
    Frae side to side they bother,
Till some ane by his bonnet lays,
    An’ gies them’t, like a tether,
        Fu’ lang that day.

XXV.
Waesucks! for him that gets nae lass,
    Or lasses that hae naething!
Sma’ need has he to say a grace,
    Or melvie his braw claithing!
O Wives be mindfu’, ance yoursel,
    How bonie lads ye wanted,
An’ dinna, for a kebbuck-heel,
    Let lasses be affronted
        On sic a day!

XXVI.
Now Clinkumbell, wi’ rattlan tow,
    Begins to jow an’ croon;
Some swagger hame, the best they dow,
    Some wait the afternoon.
At slaps the billies halt a blink,
    Till lasses strip their shoon:
Wi’ faith an’ hope, an’ love an’ drink,
    They’re a’ in famous tune
        For crack that day.

XXVII.
How monie hearts this day converts,
    O’ sinners and o’ Lasses!
Their hearts o’ stane, gin night are gane,
    As saft as ony flesh is.
There’s some are fou o’ love divine;
    There’s some are fou o’ brandy;
An’ monie jobs that day begin,
    May end in Houghmagandie
        Some ither day.

Unclear passages are marked in the text.

View the source edition · pp. 40–54

About this edition

The reading follows the Kilmarnock edition of 1786, printed pages 40–54. Long s is shown as s; apostrophes and quotation marks use modern typographic forms. Original words, spelling and capitals are retained. Wrapped verse lines are rejoined, stanza divisions and indentation are preserved, and italic type is rendered in roman. Page numbers, signatures and ornaments are omitted. Printed stanza numbering is retained. Uncertain readings remain marked or unresolved as described alongside the text. A word at verse line 142 and the punctuation at verse line 203 remain unclear at the page edges. The uncertain word is marked in the reading.

Source edition edition footnotes

* Shakespeare’s Hamlet.

Edinburgh Poems (1787)

View the source edition · pp. 40–54

Cunningham (1855)

Upon a simmer Sunday morn,
  When Nature’s face is fair,
I walked forth to view the corn,
  An’ snuff the caller air.
The rising sun owre Galston muirs,
  Wi’ glorious light was glintin’;
The hares were hirplin down the furs,
  The lav’rocks they were chantin’
        Fu’ sweet that day.

As lightsomely I glowr’d abroad,
  To see a scene sae gay,
Three hizzies, early at the road,
  Cam skelpin up the way;
Twa had manteeles o’ dolefu’ black,
  But ane wi’ lyart lining;
The third, that gaed a-wee a-back,
  Was in the fashion shining
        Fu’ gay that day.

The twa appear’d like sisters twin,
  In feature, form, an’ claes;
Their visage, wither’d, lang, an’ thin,
  An’ sour as ony slaes:
The third cam up, hap-step-an’-lowp,
  As light as ony lambie,
An’ wi’ a curchie low did stoop,
  As soon as e’er she saw me,
        Fu’ kind that day.

Wi’ bonnet aff, quoth I, “Sweet lass,
  I think ye seem to ken me;
I’m sure I’ve seen that bonnie face,
  But yet I canna name ye.”
Quo’ she, an’ laughin’ as she spak,
  An’ taks me by the hands,
“Ye, for my sake, hae gi’en the feck,
  Of a’ the ten commands
        A screed some day.

“My name is Fun—your cronie dear,
  The nearest friend ye hae;
An’ this is Superstition here,
  An’ that’s Hypocrisy.
I’m gaun to Mauchline holy fair,
  To spend an hour in daffin:
Gin ye’ll go there, yon runkl’d pair,
  We will get famous laughin’
        At them this day.”

Quoth I, “With a’ my heart I’ll do’t;
  I’ll get my Sunday’s sark on,
An’ meet you on the holy spot;
  Faith, we’se hae fine remarkin’!”
Then I gaed hame at crowdie-time
  An’ soon I made me ready;
For roads were clad, frae side to side,
  Wi’ monie a wearie body,
        In droves that day.

Here farmers gash, in ridin’ graith
  Gaed hoddin by their cottars;
There, swankies young, in braw braid-claith,
  Are springin’ o’er the gutters.
The lasses, skelpin barefit, thrang,
  In silks an’ scarlets glitter;
Wi’ sweet-milk cheese, in monie a whang,
  An’ farls bak’d wi’ butter,
        Fu’ crump that day.

When by the plate we set our nose,
  Weel heaped up wi’ ha’pence,
A greedy glowr Black Bonnet throws,
  An’ we maun draw our tippence.
Then in we go to see the show,
  On ev’ry side they’re gath’rin’,
Some carrying dails, some chairs an’ stools,
  An’ some are busy blethrin’
        Right loud that day.

Here stands a shed to fend the show’rs,
  An’ screen our countra gentry,
There, racer Jess, and twa-three wh-res,
  Are blinkin’ at the entry.
Here sits a raw of titlin’ jades,
  Wi’ heaving breast and bare neck,
An’ there’s a batch o’ wabster lads,
  Blackguarding frae Kilmarnock
        For fun this day.

Here some are thinkin’ on their sins,
  An’ some upo’ their claes;
Ane curses feet that fyl’d his shins,
  Anither sighs an’ prays:
On this hand sits a chosen swatch,
  Wi’ screw’d up grace-proud faces;
On that a set o’ chaps at watch,
  Thrang winkin’ on the lasses
        To chairs that day.

O happy is that man an’ blest!
  Nae wonder that it pride him!
Wha’s ain dear lass that he likes best,
  Comes clinkin’ down beside him;
Wi’ arm repos’d on the chair back,
  He sweetly does compose him;
Which, by degrees, slips round her neck,
  An’s loof upon her bosom,
        Unkenn’d that day.

Now a’ the congregation o’er
  Is silent expectation;
For Moodie speeds the holy door,
  Wi’ tidings o’ damnation.
Should Hornie, as in ancient days,
  ‘Mang sons o’ God present him,
The vera sight o’ Moodie’s face,
  To’s ain het hame had sent him
        Wi’ fright that day.

Hear how he clears the points o’ faith
  Wi’ ratlin’ an’ wi’ thumpin’!
Now meekly calm, now wild in wrath,
  He’s stampin an’ he’s jumpin’!
His lengthen’d chin, his turn’d-up snout,
  His eldritch squeel and gestures,
Oh, how they fire the heart devout,
  Like cantharidian plasters,
        On sic a day.

But hark! the tent has chang’d its voice:
  There’s peace an’ rest nae langer:
For a’ the real judges rise,
  They canna sit for anger.
Smith opens out his cauld harangues,
  On practice and on morals;
An’ aff the godly pour in thrangs,
  To gie the jars an’ barrels
        A lift that day.

What signifies his barren shine,
  Of moral pow’rs and reason?
His English style, an’ gestures fine,
  Are a’ clean out o’ season.
Like Socrates or Antonine,
  Or some auld pagan heathen,
The moral man he does define,
  But ne’er a word o’ faith in
        That’s right that day.

In guid time comes an antidote
  Against sic poison’d nostrum;
For Peebles, frae the water-fit,
  Ascends the holy rostrum:
See, up he’s got the word o’ God,
  An’ meek an’ mim has view’d it,
While Common-Sense has ta’en the road,
  An’ aff, an’ up the Cowgate,
        Fast, fast, that day.

Wee Miller, neist the guard relieves,
  An’ orthodoxy raibles,
Tho’ in his heart he weel believes,
  An’ thinks it auld wives’ fables:
But faith! the birkie wants a manse,
  So, cannily he hums them;
Altho’ his carnal wit an’ sense
  Like hafflins-ways o’ercomes him
        At times that day.

Now but an’ ben, the Change-house fills,
  Wi’ yill-caup commentators:
Here’s crying out for bakes and gills,
  An’ there the pint-stowp clatters;
While thick an’ thrang, an’ loud an’ lang,
  Wi’ logic, an’ wi’ scripture,
They raise a din, that, in the end,
  Is like to breed a rupture
        O’ wrath that day.

Leeze me on drink! it gies us mair
  Than either school or college:
It kindles wit, it waukens lair,
  It pangs us fou’ o’ knowledge,
Be’t whisky gill, or penny wheep,
  Or any stronger potion,
It never fails, on drinking deep,
  To kittle up our notion
        By night or day.

The lads an’ lasses, blythely bent
  To mind baith saul an’ body,
Sit round the table, weel content,
  An’ steer about the toddy.
On this ane’s dress, an’ that ane’s leuk,
  They’re making observations;
While some are cozie i’ the neuk,
  An’ formin’ assignations
        To meet some day.

But now the Lord’s ain trumpet touts,
  Till a’ the hills are rairin’,
An’ echoes back return the shouts:
  Black Russell is na’ sparin’:
His piercing words, like Highlan’ swords,
  Divide the joints and marrow;
His talk o’ Hell, where devils dwell,
  Our vera sauls does harrow
        Wi’ fright that day.

A vast, unbottom’d boundless pit,
  Fill’d fou o’ lowin’ brunstane,
Wha’s ragin’ flame, an’ scorchin’ heat,
  Wad melt the hardest whunstane!
The half asleep start up wi’ fear,
  An’ think they hear it roarin’,
When presently it does appear,
  ’Twas but some neibor snorin’
        Asleep that day.

’Twad be owre lang a tale to tell
  How monie stories past,
An’ how they crowded to the yill,
  When they were a’ dismist:
How drink gaed round, in cogs an’ caups,
  Amang the furms an’ benches:
An’ cheese an’ bread, frae women’s laps,
  Was dealt about in lunches,
        An’ dawds that day.

In comes a gaucie, gash guidwife,
  An’ sits down by the fire,
Syne draws her kebbuck an’ her knife;
  The lasses they are shyer.
The auld guidmen, about the grace,
  Frae side to side they bother,
Till some ane by his bonnet lays,
  An’ gi’es them’t like a tether,
        Fu’ lang that day.

Waesucks! for him that gets nae lass,
  Or lasses that hae naething;
Sma’ need has he to say a grace,
  Or melvie his braw claithing!
O wives, be mindfu’ ance yoursel
  How bonnie lads ye wanted,
An’ dinna, for a kebbuck-heel,
  Let lasses be affronted
        On sic a day!

Now Clinkumbell, wi’ ratlin tow,
  Begins to jow an’ croon;
Some swagger hame, the best they dow,
  Some wait the afternoon.
At slaps the billies halt a blink,
  Till lasses strip their shoon:
Wi’ faith an’ hope, an’ love an’ drink,
  They’re a’ in famous tune
        For crack that day.

How monie hearts this day converts
  O’ sinners and o’ lasses!
Their hearts o’ stane, gin night, are gane,
  As saft as ony flesh is.
There’s some are fou o’ love divine;
  There’s some are fou o’ brandy;
An’ monie jobs that day begin
  May end in houghmagandie
        Some ither day.

Digital text from Project Gutenberg.

View the source edition · p. 82

Project Gutenberg ebook licence notice

Burns’s own writing

The poem appears in Burns’s Kilmarnock volume of 1786, with a separate epigraph headed “Hypocrisy A-la-Mode”.

Words Robert Burns
Burns’s role Author of the poem

1786 pp. 40–54

← Poems & songs