Skip to content
Robert Burns Home Search

← Poems & songs

The Author’s Earnest Cry and Prayer

Behind the poem

Burns asks Scotland’s MPs to defend its whisky, even if speaking up costs them a post or a pension. The address begins as a humble prayer and grows bolder as the bard describes a country whose drink has been restricted and whose purse is being emptied. Who will speak for Scotland when silence pays so well? [1]

Read the fuller story

The 1786 Kilmarnock text gives the address a grand formal heading and a two-line “Parody on Milton”. Its distressed Muse is soon sitting in the dust, hoarse and almost bursting. This bodily comedy punctures the dignity of the parliamentary petition. The speaker calls himself a simple, nameless bard, yet tells experienced politicians how to behave, whom to confront and what to say. His six-line stanzas move easily between a respectful blessing and a curse.[1][2]

The grievance is stated as a restriction on “AQUAVITÆ”, followed by a picture of Scotland weeping over her thistle beside an empty drinking vessel. Excise men seize and crush a still, while a smuggler and a wine-seller combine to pick her pocket. These figures turn a dispute about drink into a scene of national humiliation. Scotland is an old mother whose damaged household pot and last coin should stir her children to anger.[1]

The representatives are reminded that they worked hard to gather votes. Now they must stand by their undertaking, instead of scratching an ear, shuffling and hesitating. Names such as Dempster, Dundas and Erskine bring the appeal close to its parliamentary audience; comparisons with Demosthenes and Tully flatter their powers of speech. The praise comes with a threat. An infuriated Scotland may lift her tartan petticoat, strap on weapons and take to the streets. The motherly figure becomes a dangerous woman whom her representatives had better hear.[1]

The proposed remedy is presented with a drinker’s generosity. The bard promises bannocks and repeated toasts if a useful scheme can be found, invoking tea, windows and a “commutation”. A printed note identifies Nanse Tinnock as an old hostess of the author’s in Mauchline, where he sometimes studies politics over Scotch drink. That small note places the poem’s parliamentary talk beside a glass in a local drinking room. Public business and familiar sociability share the same voice.[1]

The postscript broadens the argument into a boast about national character. It sets the hungry, fearful inhabitants of warmer wine-growing lands against Scotland’s freeborn whisky-drinking soldiers. These are aggressive patriotic caricatures. The imagined Scot advances at King George’s command and greets death fearlessly; learned explanations of courage are swept aside in favour of whisky. The joke makes a local drink answer for an entire nation’s freedom and martial strength.[1]

Even the last toast admits the bodily consequences of excess: Scotland can drink until she loses control of herself. Then the capitals announce that “FREEDOM and WHISKY gang thegither”. The shift from that unceremonious detail to a ringing declaration captures the poem’s energy. Its national pride is loud, physical and argumentative, and its closing invitation to take a dram gives the petition a convivial ending.[1]

Story references
  1. Robert Burns, Poems, chiefly in the Scottish dialect (Kilmarnock: John Wilson, 1786), “The Author’s Earnest Cry and Prayer”, pp.29–39 (PDF36–46), full address and postscript, Milton parody and Nanse Tinnock note.
  2. Burns, Poems, chiefly in the Scottish dialect (Kilmarnock, 1786), title and imprint (PDF8).

Poem

Kilmarnock Poems (1786)

THE AUTHOR’S EARNEST CRY AND PRAYER, TO THE RIGHT HONORABLE AND HONORABLE, THE SCOTCH REPRESENTATIVES IN THE HOUSE OF COMMONS.

YE Irish lords, ye knights an’ squires,
Wha represent our Brughs an’ Shires,
An’ dousely manage our affairs
    In Parliament,
To you a simple Bardie’s pray’rs
    Are humbly sent.

Alas! my roupet Muse is haerse!
Your Honor’s hearts wi’ grief ’twad pierce,
To see her sittan on her arse
    Low i’ the dust,
An’ scriechan out prosaic verse,
    An’ like to brust!

Tell them wha hae the chief direction,
Scotland an’ me’s in great affliction,
E’er sin’ they laid that curst restriction
    On AQUAVITÆ;
An’ rouse them up to strong conviction,
    An’ move their pity.

Stand forth, and tell yon PREMIER YOUTH,
The honest, open, naked truth:
Tell him o’ mine an’ Scotland’s drouth,
    His servants humble:
The muckle devil blaw you south,
    If ye dissemble!

Does ony great man glunch an’ gloom?
Speak out an’ never fash your thumb.
Let posts an’ pensions sink or swoom
    Wi’ them wha grant them:
If honestly they canna come,
    Far better want them.

In gath’rin votes you were na slack,
Now stand as tightly by your tack:
Ne’er claw your lug, an’ fidge your back,
    An’ hum an’ haw,
But raise your arm, an’ tell your crack
    Before them a’.

Paint Scotland greetan owre her thrissle;
Her mutchkin stowp as toom’s a whistle;
An’ d—mn’d Excise-men in a bussle,
    Seizan a Stell,
Triumphant crushan’t like a muscle
    Or lampet shell.

Then on the tither hand present her,
A blackguard Smuggler, right behint her,
An’ cheek-for-chow, a chuffie Vintner,
    Colleaguing join,
Picking her pouch as bare as Winter,
    Of a’ kind coin.

Is there, that bears the name o’ SCOT,
But feels his heart’s bluid rising hot,
To see his poor, auld Mither’s pot,
    Thus dung in staves,
An’ plunder’d o’ her hindmost groat,
    By gallows knaves?

Alas! I’m but a nameless wight,
Trode i’ the mire out o’ sight!
But could I like MONTGOMERIES fight,
    Or gab like BOSWELL,
There’s some sark-necks I wad draw tight,
    An’ tye some hose well.

God bless your Honors, can ye see’t,
The kind, auld, cantie Carlin greet,
An’ no get warmly to your feet,
    An’ gar them hear it,
An’ tell them, wi’ a patriot-heat,
    Ye winna bear it?

Some o’ you nicely ken the laws,
To round the period an’ pause,
An’ with rhetoric clause on clause
    To mak harangues;
Then echo thro’ Saint Stephen’s wa’s
    Auld Scotland’s wrangs.

Dempster, a true-blue Scot I’se warran;
Thee, aith-detesting, chaste Kilkerran;
An’ that glib-gabbet Highland Baron,
    The Laird o’ Graham;
And ane, a chap that’s d—mn’d auldfarran,
    Dundas his name.

Erskine, a spunkie norland billie;
True Campbells, Frederick an’ Ilay;
An’ Livistone, the bauld Sir Willie;
    An’ monie ithers,
Whom auld Demosthenes or Tully
    Might own for brithers.

Arouse my boys! exert your mettle,
To get auld Scotland back her kettle!
Or faith! I’ll wad my new pleugh-pettle,
    Ye’ll see’t or lang,
She’ll teach you, wi’ a reekan whittle,
    Anither sang.

This while she’s been in crankous mood,
Her lost Militia fir’d her bluid;
(Deil na they never mair do guid,
    Play’d her that pliskie!)
An’ now she’s like to rin red-wud
    About her Whisky.

An’ L—d! if ance they pit her till’t,
Her tartan petticoat she’ll kilt,
An’ durk an’ pistol at her belt,
    She’ll tak the streets,
An’ rin her whittle to the hilt,
    I’ th’ first she meets!

For G—d-sake, Sirs! then speak her fair,
An’ straik her cannie wi’ the hair,
An’ to the muckle house repair,
    Wi’ instant speed,
An’ strive, wi’ a’ your Wit an’ Lear,
    To get remead.

Yon ill-tongu’d tinkler, Charlie Fox,
May taunt you wi’ his jeers an’ mocks;
But gie him’t het, my hearty cocks!
    E’en cowe the cadie!
An’ send him to his dicing box,
    An’ sportin lady.

Tell yon guid bluid o’ auld Boconnock’s,
I’ll be his debt twa mashlum bonnocks,
An’ drink his health in auld * Nanse Tinnock’s
    Nine times a week,
If he some scheme, like tea an’ winnocks,
    Wad kindly seek.

Could he some commutation broach,
I’ll pledge my aith in guid braid Scotch,
He need na fear their foul reproach
    Nor erudition,
Yon mixtie-maxtie, queer hotch-potch,
    The Coalition.

Auld Scotland has a raucle tongue;
She’s just a devil wi’ a rung;
An’ if she promise auld or young
    To tak their part,
Tho’ by the neck she should be strung,
    She’ll no desert.

And now, ye chosen FIVE AND FORTY,
May still your Mither’s heart support ye;
Then, tho’ a Minister grow dorty,
    An’ kick your place,
Ye’ll snap your fingers, poor an’ hearty,
    Before his face.

God bless your Honors, a’ your days,
Wi’ sowps o’ kail and brats o’ claise,
In spite o’ a’ the thievish kaes
    That haunt St. Jamie’s!
Your humble Bardie sings an’ prays
    While Rab his name is.

POSTSCRIPT.

Let half-starv’d slaves in warmer skies,
See future wines, rich-clust’ring, rise;
Their lot auld Scotland ne’er envies,
    But blythe an’ frisky,
She eyes her freeborn, martial boys,
    Tak aff their Whisky.

What tho’ their Phoebus kinder warms,
While Fragrance blooms an’ Beauty charms!
When wretches range, in famish’d swarms,
    The scented groves,
Or hounded forth, dishonor arms
    In hungry droves.

Their gun’s a burden on their shouther;
They downa bide the stink o’ powther;
Their bauldest thought’s a hank’ring swither,
    To stan’ or rin,
Till skelp— a shot— they’re aff, a’ throw-’ther,
    To save their skin.

But bring a SCOTCHMAN frae his hill,
Clap in his cheek a Highland gill,
Say, such is royal GEORGE’S will,
    An’ there’s the foe,
He has nae thought but how to kill
    Twa at a blow.

Nae cauld, faint-hearted doubtings tease him;
Death comes, wi’ fearless eye he sees him;
Wi’ bluidy han’ a welcome gies him;
    An’ when he fa’s,
His latest draught o’ breathin lea’es him
    In faint huzzas.

Sages their solemn een may steek,
An’ raise a philosophic reek,
An’ physically causes seek,
    In clime an’ season,
But tell me Whisky’s name in Greek,
    I’ll tell the reason.

SCOTLAND, my auld, respected Mither!
Tho’ whyles ye moistify your leather,
Till whare ye sit, on craps o’ heather,
    Ye tine your dam;
FREEDOM and WHISKY gang thegither,
    Tak aff your dram!

Complete selected poem compared with the original pages.

View the source edition · pp. 29–39

About this edition

The 1786 poem, 186 verse lines, printed 29–39; PDF 36–46.

Edition footnotes

* A worthy old Hostess of the Author’s in Mauchline, where he sometimes studies Politics over a glass of guid, auld Scotch Drink.

Edinburgh Poems (1787)

View the source edition · pp. 29–39

Cunningham (1855)

Ye Irish lords, ye knights an’ squires,
Wha represent our brughs an’ shires,
An’ doucely manage our affairs
        In Parliament,
To you a simple Bardie’s prayers
        Are humbly sent.

Alas! my roupet Muse is hearse!
Your honours’ hearts wi’ grief ’twad pierce,
To see her sittin’ on her a—e
        Low i’ the dust,
An’ scriechin’ out prosaic verse,
        An’ like to brust!

Tell them wha hae the chief direction,
Scotland an’ me’s in great affliction,
E’er sin’ they laid that curst restriction
        On aqua-vitæ;
An’ rouse them up to strong conviction,
        An’ move their pity.

Stand forth, an’ tell yon Premier youth,
The honest, open, naked truth:
Tell him o’ mine an’ Scotland’s drouth,
        His servants humble:
The muckie devil blaw ye south,
        If ye dissemble!

Does ony great man glunch an’ gloom?
Speak out, an’ never fash your thumb!
Let posts an’ pensions sink or soom
        Wi’ them wha grant ‘em:
If honestly they canna come,
        Far better want ‘em.

In gath’rin votes you were na slack;
Now stand as tightly by your tack;
Ne’er claw your lug, an’ fidge your back,
        An’ hum an’ haw;
But raise your arm, an’ tell your crack
        Before them a’.

Paint Scotland greetin’ owre her thrizzle,
Her mutchkin stoup as toom’s a whissle:
An’ damn’d excisemen in a bussle,
        Seizin’ a stell,
Triumphant crushin’t like a mussel
        Or lampit shell.

Then on the tither hand present her,
A blackguard smuggler, right behint her,
An’ cheek-for-chow, a chuffie vintner,
        Colleaguing join,
Picking her pouch as bare as winter
        Of a’ kind coin.

Is there, that bears the name o’ Scot,
But feels his heart’s bluid rising hot,
To see his poor auld mither’s pot
        Thus dung in staves,
An’ plunder’d o’ her hindmost groat
        By gallows knaves?

Alas! I’m but a nameless wight,
Trode i’ the mire out o’ sight!
But could I like Montgomeries fight,
        Or gab like Boswell,
There’s some sark-necks I wad draw tight,
        An’ tie some hose well.

God bless your honours, can ye see’t,
The kind, auld, canty carlin greet,
An’ no get warmly on your feet,
        An’ gar them hear it!
An’ tell them with a patriot heat,
        Ye winna bear it?

Some o’ you nicely ken the laws,
To round the period an’ pause,
An’ wi’ rhetorie clause on clause
        To mak harangues:
Then echo thro’ Saint Stephen’s wa’s
        Auld Scotland’s wrangs.

Dempster, a true blue Scot I’se warran’;
Thee, aith-detesting, chaste Kilkerran;
An’ that glib-gabbet Highland baron,
        The Laird o’ Graham;
An’ ane, a chap that’s damn’d auldfarren,
        Dundas his name.

Erskine, a spunkie Norland billie;
True Campbells, Frederick an’ Hay;
An’ Livingstone, the bauld Sir Willie:
        An’ monie ithers,
Whom auld Demosthenes or Tully
        Might own for brithers.

Arouse, my boys! exert your mettle,
To get auld Scotland back her kettle:
Or faith! I’ll wad my new pleugh-pettle,
        Ye’ll see’t or lang,
She’ll teach you, wi’ a reekin’ whittle,
        Anither sang.

This while she’s been in crankous mood,
Her lost militia fir’d her bluid;
(Deil na they never mair do guid,
        Play’d her that pliskie!)
An’ now she’s like to rin red-wud
        About her whiskey.

An’ L—d, if once they pit her till’t,
Her tartan petticoat she’ll kilt,
An’ durk an’ pistol at her belt,
        She’ll tak the streets,
An’ rin her whittle to the hilt,
        I’ th’ first she meets!

For God sake, sirs, then speak her fair,
An’ straik her cannie wi’ the hair,
An’ to the muckle house repair,
        Wi’ instant speed,
An’ strive, wi’ a’ your wit and lear,
        To get remead.

Yon ill-tongu’d tinkler, Charlie Fox,
May taunt you wi’ his jeers an’ mocks;
But gie him’t het, my hearty cocks!
        E’en cowe the cadie!
An’ send him to his dicing box,
        An’ sportin’ lady.

Tell yon guid bluid o’ auld Boconnock’s
I’ll be his debt twa mashlum bonnocks,
An’ drink his health in auld Nanse Tinnock’s
        Nine times a-week,
If he some scheme, like tea an’ winnocks,
        Wad kindly seek.

Could he some commutation broach,
I’ll pledge my aith in guid braid Scotch,
He need na fear their foul reproach
        Nor erudition,
Yon mixtie-maxtie queer hotch-potch,
        The Coalition.

Auld Scotland has a raucle tongue;
She’s just a devil wi’ a rung;
An’ if she promise auld or young
        To tak their part,
Tho’ by the neck she should be strung,
        She’ll no desert.

An’ now, ye chosen Five-and-Forty,
May still your mither’s heart support ye,
Then, though a minister grow dorty,
        An’ kick your place,
Ye’ll snap your fingers, poor an’ hearty,
        Before his face.

God bless your honours a’ your days,
Wi’ sowps o’ kail and brats o’ claise,
In spite o’ a’ the thievish kaes,
        That haunt St. Jamie’s:
Your humble Poet signs an’ prays
        While Rab his name is.

Let half-starv’d slaves in warmer skies
See future wines, rich clust’ring, rise;
Their lot auld Scotland ne’er envies,
        But blythe and frisky,
She eyes her freeborn, martial boys,
        Tak aff their whiskey.

What tho’ their Phœbus kinder warms,
While fragrance blooms and beauty charms!
When wretches range, in famish’d swarms,
        The scented groves,
Or hounded forth, dishonour arms
        In hungry droves.

Their gun’s a burden on their shouther;
They downa bide the stink o’ powther;
Their bauldest thought’s a’ hank’ring swither
        To stan’ or rin,
Till skelp—a shot—they’re aff, a’ throther
        To save their skin.

But bring a Scotsman frae his hill,
Clap in his check a Highland gill,
Say, such is royal George’s will,
        An’ there’s the foe,
He has nae thought but how to kill
        Twa at a blow.

Nae could faint-hearted doubtings tease him;
Death comes, wi’ fearless eye he sees him;
Wi’ bluidy han’ a welcome gies him;
        An’ when he fa’s,
His latest draught o’ breathin’ lea’es him
        In faint huzzas!

Sages their solemn een may steek,
An’ raise a philosophic reek,
An’ physically causes seek,
        In clime an’ season;
But tell me whiskey’s name in Greek,
        I’ll tell the reason.

Scotland, my auld, respected mither!
Tho’ whiles ye moistify your leather,
Till whare ye sit, on craps o’ heather
        Ye tine your dam;
Freedom and whiskey gang thegither!—
        Tak aff your dram!

Digital text from Project Gutenberg.

View the source edition · p. 107

Project Gutenberg ebook licence notice

Burns’s own writing

Burns’s verse address to the Scottish representatives includes its postscript and a short epigraph labelled as a parody on Milton.

Words Robert Burns
Burns’s role Writer of the poem

Kilmarnock, 1786; pp. 29–39

← Poems & songs