Skip to content
Robert Burns Home Search

← Poems & songs

To a Mouse

Behind the poem

The mouse has spent the autumn gathering leaves and stubble for a nest. One pass of the plough tears it open. The heading Burns gave the poem places the encounter in November 1785, with little green growth left for rebuilding before the frost. He can spare the mouse an ear of corn. What he cannot give back is its shelter. [1]

Read the illustrated story of To a Mouse

Story references
  1. Robert Burns, Poems, Chiefly in the Scottish Dialect (Kilmarnock, 1786), pp. 138–140.

Poem

Version notes

The mouse is “sleeket, cowran” in the 1786 Kilmarnock edition and “sleekit, cow’rin’” in the Cunningham transcription. Both print eight stanzas of six lines. In the seventh, Kilmarnock has “Gang aft agley” and Cunningham puts a hyphen in “a-gley”. Kilmarnock Poems (1786) · Cunningham · 1855

Kilmarnock Poems (1786)

WEE, sleeket, cowran, tim'rous beastie,
O, what a panic's in thy breastie!
Thou need na start awa sae hasty,
    Wi' bickering brattle!
I wad be laith to rin an' chase thee,
    Wi' murd'ring pattle!

I'm truly sorry Man's dominion
Has broken Nature's social union,
An' justifies that ill opinion,
    Which makes thee startle,
At me, thy poor, earth-born companion,
    An' fellow-mortal!

I doubt na, whyles, but thou may thieve;
What then? poor beastie, thou maun live!
A daimen-icker in a thrave
    'S a sma' request:
I'll get a blessin wi' the lave,
    An' never miss't!

Thy wee-bit housie, too, in ruin!
It's silly wa's the win's are strewin!
An' naething, now, to big a new ane,
    O' foggage green!
An' bleak December's winds ensuin,
    Baith snell an' keen!

Thou saw the fields laid bare an' wast,
An' weary Winter comin fast,
An' cozie here, beneath the blast,
    Thou thought to dwell,
Till crash! the cruel coulter past
    Out thro' thy cell.

That wee-bit heap o' leaves an' stibble,
Has cost thee monie a weary nibble!
Now thou's turn'd out, for a' thy trouble,
    But house or hald,
To thole the Winter's sleety dribble,
    An' cranreuch cauld!

But Mousie, thou art no thy-lane,
In proving foresight may be vain:
The best laid schemes o' Mice an' Men,
    Gang aft agley,
An' lea'e us nought but grief an' pain,
    For promis'd joy!

Still, thou art blest, compar'd wi' me!
The present only toucheth thee:
But Och! I backward cast my e'e,
    On prospects drear!
An' forward, tho' I canna see,
    I guess an' fear!

View the source edition · pp. 138-140

Cunningham (1855)

Wee, sleekit, cow’rin’, tim’rous beastie,
O, what a panic’s in thy breastie!
Thou need na start awa sae hasty,
        Wi’ bickering brattle!
I wad be laith to rin an’ chase thee,
        Wi’ murd’ring pattle!

I’m truly sorry man’s dominion
Has broken nature’s social union,
An’ justifies that ill opinion,
        Which makes thee startle
At me, thy poor earth-born companion,
        An’ fellow-mortal!

I doubt na, whyles, but thou may thieve;
What then? poor beastie, thou maun live!
A daimen icker in a thrave
        ‘S a sma’ request:
I’ll get a blessin’ wi’ the lave,
        And never miss’t!

Thy wee bit housie, too, in ruin;
Its silly wa’s the win’s are strewin’!
An’ naething, now, to big a new ane,
        O’ foggage green!
An’ bleak December’s winds ensuin’,
        Baith snell and keen!

Thou saw the fields laid bare an’ waste,
An’ weary winter comin’ fast,
An’ cozie here, beneath the blast,
        Thou thought to dwell,
’Till, crash! the cruel coulter past
        Out thro’ thy cell.

That wee bit heap o’ leaves an’ stibble,
Has cost thee mony a weary nibble!
Now thou’s turn’d out, for a’ thy trouble,
        But house or hald,
To thole the winter’s sleety dribble,
        An’ cranreuch cauld!

But, Mousie, thou art no thy lane,
In proving foresight may be vain:
The best laid schemes o’ mice an’ men,
        Gang aft a-gley,
An’ lea’e us nought but grief and pain,
        For promis’d joy.

Still thou art blest, compar’d wi’ me!
The present only toucheth thee:
But, Och! I backward cast my e’e,
        On prospects drear!
An’ forward, tho’ I canna see,
        I guess an’ fear.

Digital text from Project Gutenberg.

View the source edition · p. 105

Project Gutenberg ebook licence notice

Burns’s own writing

Published as Burns’s poem in the Kilmarnock collection of 1786. The printed heading supplies November 1785.

Words Robert Burns
Burns’s role Poet

To a Mouse, pp. 138–140

Sources

People and stories

← Poems & songs