Skip to content
Robert Burns Home Search

To a Mouse

The heading in the 1786 Kilmarnock edition reads On turning her up in her Nest with the Plough, November, 1785. The reading below follows that edition, pp. 138–140, with long s rendered as ordinary s and the original lines and stanzas retained. [C28]

WEE, sleeket, cowran, tim'rous beastie,
O, what a panic's in thy breastie!
Thou need na start awa sae hasty,
    Wi' bickering brattle!
I wad be laith to rin an' chase thee,
    Wi' murd'ring pattle!

I'm truly sorry Man's dominion
Has broken Nature's social union,
An' justifies that ill opinion,
    Which makes thee startle,
At me, thy poor, earth-born companion,
    An' fellow-mortal!

I doubt na, whyles, but thou may thieve;
What then? poor beastie, thou maun live!
A daimen-icker in a thrave
    'S a sma' request:
I'll get a blessin wi' the lave,
    An' never miss't!

Thy wee-bit housie, too, in ruin!
It's silly wa's the win's are strewin!
An' naething, now, to big a new ane,
    O' foggage green!
An' bleak December's winds ensuin,
    Baith snell an' keen!

Thou saw the fields laid bare an' wast,
An' weary Winter comin fast,
An' cozie here, beneath the blast,
    Thou thought to dwell,
Till crash! the cruel coulter past
    Out thro' thy cell.

That wee-bit heap o' leaves an' stibble,
Has cost thee monie a weary nibble!
Now thou's turn'd out, for a' thy trouble,
    But house or hald,
To thole the Winter's sleety dribble,
    An' cranreuch cauld!

But Mousie, thou art no thy-lane,
In proving foresight may be vain:
The best laid schemes o' Mice an' Men,
    Gang aft agley,
An' lea'e us nought but grief an' pain,
    For promis'd joy!

Still, thou art blest, compar'd wi' me!
The present only toucheth thee:
But Och! I backward cast my e'e,
    On prospects drear!
An' forward, tho' I canna see,
    I guess an' fear!

Reading the poem

The speaker begins by trying to calm a frightened animal. He then questions human dominion and acknowledges the mouse as a fellow mortal. The damaged nest becomes the centre of the poem: a small store of labour and foresight destroyed in an instant. In the final stanza the comparison changes. The speaker imagines the mouse living in the present, while he is troubled by memory and anticipation. [C28]

Pattle is an implement used to clear earth from the plough’s mouldboard. See the Dictionaries of the Scots Language entry, noun sense I.