← Back to the work and its versions
O, were I on Parnassus' hill
Dick (1903) · no. 74
O, were I on Parnassus' hill, Or had o' Helicon my fill, That I might catch poetic skill To sing how dear I love thee! But Nith maun be my Muse's well, My Muse maun be thy bonie sel', On Corsincon I'll glow'r and spell, And write how dear I love thee. Then come, sweet Muse, inspire my lay! For a' the lee-lang simmer's day I couldna sing, I couldna say, How much, how dear I love thee. I see thee dancing o'er the green, Thy waist sae jimp, thy limbs sae clean, Thy tempting lips, thy roguish een— By heaven and earth I love thee! By night, by day, a-field, at hame, The thoughts o' thee my breast inflame, And ay I muse and sing thy name— I only live to love thee. Tho' I were doom'd to wander on, Beyond the sea, beyond the sun, Till my last weary sand was run; Till then—and then—I'd love thee!
These are the words printed below the score.
View the source edition · no. 74; p. 74
About this edition
Three octaves in both texts. Dick has “couldna”, Cunningham “coudna”; Dick ends “Till then—and then—I’d love thee!”, Cunningham “Till then—and then I love thee.” The tune’s extended compass is Dick’s editorial explanation of its reception, not a fresh performance assessment.
View historical scores
Dick’s Songs of Robert Burns (1903)
no. 74; p. 74
