Skip to content
Robert Burns Home Search

← Back to the work and its versions

Yon Wild Mossy Mountains

Dick (1903) · no. 21

Yon wild mossy mountains sae lofty and wide,
That nurse in their bosom the youth o' the Clyde,
Where the grouse lead their coveys thro' the heather to feed,
And the shepherd tents his flock as he pipes on his reed. [bis: last two lines]

Not Gowrie's rich valley nor Forth's sunny shores,
To me hae the charms o' yon wild mossy moors;
For there, by a lanely, sequester'd stream,
Resides a sweet lassie, my thought and my dream. [bis: last two lines]

Amang thae wild mountains shall still be my path,
Ilk stream foaming down its ain green, narrow strath;
For there, wi' my lassie the day-lang I rove,
While o'er us unheeded flie the swift hours o' love. [bis: last two lines]

She is not the fairest, altho' she is fair;
O' nice education but sma' is her share;
Her parentage humble as humble can be;
But I lo'e the dear lassie because she lo'es me. [bis: last two lines]

To Beauty what man but maun yield him a prize,
In her armour of glances, and blushes, and sighs?
And when wit and refinement hae polish'd her darts,
They dazzle our een, as they flie to our hearts. [bis: last two lines]

But kindness, sweet kindness, in the fond sparkling e'e,
Has lustre outshining the diamond to me;
And the heart-beating love as I'm clasp'd in her arms,
O, these are my lassie's all-conquering charms! [bis: last two lines]

View the source edition · no. 21; pp. 20–21

About this edition

Six stanzas in both readings. Cunningham writes each final couplet twice; Dick uses bis. Dick has rich valley, flie and heart-beating love; Cunningham has rich valleys, flee and the heart beating love. Cunningham prints a lanely and sequester’d stream; Dick omits and.

View historical scores

Dick’s Songs of Robert Burns (1903)

no. 21; pp. 20–21

Full printed page 20 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 20.National Library of Scotland.

View source · Download citation

Download score page (.jpg)