Skip to content
Robert Burns Home Search

← Back to the work and its versions

It Was upon a Lammas Night

Dick (1903) · no. 8

It was upon a Lammas night,
When corn rigs are bonie,
Beneath the moon's unclouded light,
I held awa to Annie:
The time flew by, wi' tentless heed,
Till, 'tween the late and early,
Wi' sma' persuasion she agreed
To see me thro' the barley.

Chorus. Corn rigs, an' barley rigs,
An' corn rigs are bonie:
I'll ne'er forget that happy night,
Amang the rigs wi' Annie.

The sky was blue, the wind was still,
The moon was shining clearly;
I set her down, wi' right good will,
Amang the rigs o' barley:
I kent her heart was a' my ain;
I lov'd her most sincerely;
I kiss'd her owre and owre again,
Amang the rigs o' barley.

I lock'd her in my fond embrace;
Her heart was beating rarely:
My blessings on that happy place,
Amang the rigs o' barley!
But by the moon and stars so bright,
That shone that hour so clearly!
She ay shall bless that happy night
Amang the rigs o' barley.

I hae been blythe wi' comrades dear;
I hae been merry drinking;
I hae been joyfu' gath'rin gear;
I hae been happy thinking:
But a' the pleasures e'er I saw,
Tho' three times doubled fairly,
That happy night was worth them a',
Amang the rigs o' barley.

These are the words printed below the score.

View the source edition · no. 8; pp. 6–7

About this edition

Cunningham places the chorus after stanza IV; Dick places it after stanza I. Cunningham’s third stanza prints a question mark after “clearly”; Dick prints an exclamation mark. Dick’s footnote records head/heed in earlier editions.

View historical scores

Dick’s Songs of Robert Burns (1903)

no. 8; pp. 6–7

Full printed page 6 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 6.National Library of Scotland.

View source · Download citation

Download score page (.jpg)