← Back to the work and its versions
Hey for a lass wi’ a tocher
Cunningham (1855)
Awa wi’ your witchcraft o’ beauty’s alarms,
The slender bit beauty you grasp in your arms:
O, gie me the lass that has acres o’ charms,
O, gie me the lass wi’ the weel-stockit farms.
Then hey for a lass wi’ a tocher,
Then hey for a lass wi’ a tocher;
Then hey for a lass wi’ a tocher,
The nice yellow guineas for me.
Your beauty’s a flower, in the morning that blows,
And withers the faster, the faster it grows;
But the rapturous charm o’ the bonnie green knowes,
Ilk spring they’re new deckit wi’ bonnie white yowes.
And e’en when this beauty your bosom has blest,
The brightest o’ beauty may cloy when possest;
But the sweet yellow darlings wi’ Geordie imprest,
The langer ye hae them—the mair they’re carest.
Then hey for a lass wi’ a tocher,
Then hey for a lass wi’ a tocher;
Then hey for a lass wi’ a tocher,
The nice yellow guineas for me.Digital text from Project Gutenberg.
View the source edition · p. 310
About this edition
Three quatrains and a four-line chorus in both texts. Cunningham reprints the chorus at the end; Dick prints it after stanza1 only. Dick has “possess’d” and “impress’d”, against Cunningham’s “possest” and “imprest”. Corrections PDF56 changes “I” to “it” in note198’s final sentence; no lyric correction is directed.