Skip to content
Robert Burns Home Search

← Back to the work and its versions

O this is no my ain lassie

Cunningham (1855)

  O this is no my ain lassie,
    Fair tho’ the lassie be;
  O weel ken I my ain lassie,
    Kind love is in her e’e.
I see a form, I see a face,
Ye weel may wi’ the fairest place:
It wants, to me, the witching grace,
  The kind love that’s in her e’e.

She’s bonnie, blooming, straight, and tall,
And lang has had my heart in thrall;
And ay it charms my very saul,
  The kind love that’s in her e’e.

A thief sae pawkie is my Jean,
To steal a blink, by a’ unseen;
But gleg as light are lovers’ een,
  When kind love is in the e’e.

It may escape the courtly sparks,
It may escape the learned clerks;
But weel the watching lover marks
  The kind love that’s in her e’e.
    O this is no my ain lassie,
      Fair tho’ the lassie be;
    O weel ken I my ain lassie,
      Kind love is in her e’e.

Digital text from Project Gutenberg.

View the source edition · p. 306

Project Gutenberg ebook licence notice