Skip to content
Robert Burns Home Search

← Back to the work and its versions

Here’s a health to them that’s awa

Cunningham (1855)

Here’s a health to them that’s awa,
Here’s a health to them that’s awa;
And wha winna wish guid luck to our cause,
May never guid luck be their fa’!
It’s guid to be merry and wise,
It’s guid to be honest and true,
It’s good to support Caldonia’s cause,
And bide by the buff and the blue.

Here’s a health to them that’s awa,
Here’s a health to them that’s awa,
Here’s a health to Charlie the chief of the clan,
Altho’ that his band be sma’.
May liberty meet wi’ success!
May prudence protect her frae evil!
May tyrants and tyranny tine in the mist,
And wander their way to the devil!

Here’s a health to them that’s awa,
Here’s a health to them that’s awa;
Here’s a health to Tammie, the Norland laddie,
That lives at the lug o’ the law!
Here’s freedom to him that wad read,
Here’s freedom to him that wad write!
There’s nane ever fear’d that the truth should be heard,
But they wham the truth wad indite.

Here’s a health to them that’s awa,
Here’s a health to them that’s awa,
Here’s Chieftain M’Leod, a chieftain worth gowd,
Tho’ bred amang mountains o’ snaw!
Here’s a health to them that’s awa,
Here’s a health to them that’s awa;
And wha winna wish guid luck to our cause,
May never guid luck be their fa’!

Digital text from Project Gutenberg.

View the source edition · p. 301

About this edition

Cunningham’s preface discusses several poems he left out of the collection.

Project Gutenberg ebook licence notice