Skip to content
Robert Burns Home Search

← Back to the work and its versions

O wha is she that lo’es me

Cunningham (1855)

O wha is she that lo’es me,
  And has my heart a-keeping?
O sweet is she that lo’es me,
  As dews of simmer weeping,
  In tears the rosebuds steeping!
    O that’s the lassie of my heart,
      My lassie ever dearer;
    O that’s the queen of womankind,
      And ne’er a ane to peer her.

If thou shalt meet a lassie
  In grace and beauty charming,
That e’en thy chosen lassie,
  Erewhile thy breast sae warming
  Had ne’er sic powers alarming.

If thou hadst heard her talking,
  And thy attentions plighted,
That ilka body talking,
  But her by thee is slighted,
  And thou art all delighted.

If thou hast met this fair one;
  When frae her thou hast parted,
If every other fair one,
  But her, thou hast deserted,
  And thou art broken-hearted;
    O that’s the lassie o’ my heart,
      My lassie ever dearer;
    O that’s the queen o’ womankind,
      And ne’er a ane to peer her.

Digital text from Project Gutenberg.

View the source edition · p. 299

Project Gutenberg ebook licence notice