Skip to content
Robert Burns Home Search

← Back to the work and its versions

O Wert Thou in the Cauld Blast

Cunningham (1855)

Oh, wert thou in the cauld blast,
  On yonder lea, on yonder lea,
My plaidie to the angry airt,
  I’d shelter thee, I’d shelter thee:
Or did misfortune’s bitter storms
  Around thee blaw, around thee blaw,
Thy bield should be my bosom,
  To share it a’, to share it a’.

Or were I in the wildest waste,
  Sae black and bare, sae black and bare,
The desert were a paradise,
  If thou wert there, if thou wert there:
Or were I monarch o’ the globe,
  Wi’ thee to reign, wi’ thee to reign,
The brightest jewel in my crown
  Wad be my queen, wad be my queen.

Digital text from Project Gutenberg.

View the source edition · p. 292

About this edition

Both editions print two eight-line stanzas. Dick has “monarch of the globe”; Cunningham “monarch o’ the globe”. Their tune headings differ: Lenox love to Blantyre and Lass o’ Livistone.

Project Gutenberg ebook licence notice