← Back to the work and its versions
Meg o’ the Mill
Cunningham (1855)
O ken ye what Meg o’ the Mill has gotten? An’ ken ye what Meg o’ the Mill has gotten? She has gotten a coof wi’ a claute o’ siller, And broken the heart o’ the barley Miller. The Miller was strappin, the Miller was ruddy; A heart like a lord and a hue like a lady: The Laird was a widdiefu’, bleerit knurl; She’s left the guid-fellow and ta’en the churl. The Miller he hecht her a heart leal and loving; The Laird did address her wi’ matter mair moving, A fine pacing horse wi’ a clear chained bridle, A whip by her side and a bonnie side-saddle. O wae on the siller, it is sae prevailing; And wae on the love that is fixed on a mailen’ A tocher’s nae word in a true lover’s parle, But gie me my love, and a fig for the warl!
Digital text from Project Gutenberg.
View the source edition · p. 280